ەلوردادا 10 نىسان كارانتينگە جابىلعان

بۇل تۋرالى ەلوردانىڭ قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتىپ بەردى.

«تۇتاس ەپيدەميالىق كەزەڭدە ەلوردادا 23 نىسان كارانتينگە جابىلدى. بۇل نىسانداردا ەپيدەمياعا قارسى بارلىق شەكتەۋ شارالارى جۇرگىزىلدى. قازىرگى ۋاقىتتا كارانتين رەجيمىندە 10 نىسان قالدى»، - دەپ اتاپ ءوتتى باسقارما باسشىسى «حابار 24» تەلەارناسىنداعى بريفينگتە.

ونىڭ ايتۋىنشا، اۋرۋدىڭ 267 وشاعىندا دەزينفەكسيالىق شارالار جۇرگىزىلگەن.

بۇل - ناۋقاستار تۇرعان ۇيلەر مەن جۇمىس ورىندارى. نۇر-سۇلتان قالاسى بويىنشا جالپى 17414 جاعدايعا زەرتحانالىق تەكسەرۋ جۇمىستارى جۇرگىزىلدى.

بۇعان دەيىن باسقارما باسشىسى نۇر-سۇلتاندا كوروناۆيرۋس ينفەكسياسىنان قايتىس بولعان ادام تۋرالى ايتىپ بەرگەن ەدى. قازىرگى ۋاقىتتا ەلوردادا جۇقتىرعاندار سانى 264 ادامعا جەتتى. سوڭعى ەكى كۇندە - 12-13-ءساۋىر كۇندەرى 29 جاعداي تىركەلدى. 9-13-ءساۋىر ارالىعىندا نۇر-سۇلتان قالاسىندا 4766 ادامعا ەكسپرەسس تەستىلەۋ جۇرگىزىلىپ، 61 ادام اۋرۋحاناعا جاتقىزىلعان.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى