الماتى مەتروسىندا وتىرىك جوتەلىپ جۇرتتى شوشىتقان پرانكەر 10 تاۋلىككە قامالدى
الەۋمەتتىك جەلىلەردى مونيتورينگىلەۋ بارىسىندا 23 جاستاعى قالا تۇرعىنىنىڭ وتىرىك جوتەلۋ ارقىلى مەتروپوليتەن جولاۋشىلارىن قورقىتىپ جۇرگەنى انىقتالدى.
«جۇرت ونسىز دا الاڭداپ وتىرعان كەزدە ح. ەسىمدى ازاماتتىڭ ىستەپ جۇرگەن ءىسى اقىلعا سىيمايدى. حايپ ءۇشىن جاس جىگىت بارلىق مورالدىق جانە ەتيكالىق نورمالاردى اياقاستى ەتتى. بۇل ارەكەتى ءۇشىن پوليتسيا قىزمەتكەرلەرى ونى ق ر اكىمشىلىك قۇقىق بۇزۋشىلىق تۋرالى كودەكسىنىڭ 434-بابى (ۇساق بۇزاقىلىق) بويىنشا جاۋاپقا تارتتى. الماتى قالاسىنىڭ مامانداندىرىلعان اۋدانارالىق سوتىنىڭ شەشىمىمەن ول 10 تاۋلىككە اكىمشىلىك قاماۋعا الىندى»، - دەپ حابارلادى الماتىنىڭ پوليتسيا دەپارتامەنتىنىڭ رەسمي وكىلى سالتانات ازىربەك.
سوت وتىرىسى باستالار الدىندا پرانكەر جۇرتشىلىقتان كەشىرىم سۇرادى.
اۆتور: ەربول جانات
