قازاقستاندا 10-قاڭتار كۇنى وتەتىن ماڭىزدى شارالار ءتىزىمى
نۇر-سۇلتان
11.00-دە قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىندە بريفينگ وتەدى.
15:00-دە ق ر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ الاڭىندا الماتى وبلىسىنداعى BekAir اۋەكومپانياسى ۇشاعىنىڭ اپاتى سەبەپتەرىن انىقتاۋ بويىنشا ۇكىمەتتىك كوميسسيا جۇمىسىنىڭ الدىن الا بولجامى بويىنشا مالىمدەمە جاسالادى.
15.00-دە ق ر ۇلتتىق اكادەميالىق كىتاپحاناسىندا قازاقستان جازۋشىلار وداعىنىڭ مۇشەسى، اقىن ءارى اۋدارماشى تورەگەلدى راحمانبەردى ۇلى تۇياقبايدىڭ «ءسوزبيى - تەترالوگيا» (مىڭ ءبىر ءسوزبيى كىتابى) كىتابىنىڭ تۇساۋكەسەرى جانە «ايتتىم سالەم» اتتى پوەزيالىق- مۋزىكالىق كەشى وتەدى.
15.00-دە ل. گۋميلەۆ اتىنداعى ەۋرازيالىق ۇلتتىق ۋنيۆەرسيتەتىندە ق ر پرەزيدەنتى قاسىم-جومارت توقايەۆتىڭ اباي قۇنانبايەۆتىڭ 175 جىلدىعىن اتاپ ءوتۋ اياسىندا جازعان «اباي جانە XXI عاسىرداعى قازاقستان» اتتى ماقالاسىن تالقىلاۋعا ارنالعان شارا وتەدى.
19.00-دە «قازاقستان» ورتالىق كونسەرت زالىندا ق ر ۇلتتىق ۇلانى ءان-بي انسامبلىنىڭ ХII گالا-كونسەرتى وتەدى.
الماتى
11.00-دە «تۇران» ۋنيۆەرسيتەتىندە الماتى قالاسى قوعامدىق كەڭەسىنىڭ وتىرىسى وتەدى: «الماتى قالاسىنىڭ ەرەكشە مارتەبەسى تۋرالى» ق ر زاڭى تانىستىرىلادى.
11.00-دە الماتى قالاسى اكىمدىگىنىڭ باسپا ءسوز ورتالىعىندا «اتاۋلى الەۋمەتتىك كومەك كورسەتۋدىڭ جاڭا مودەلى» تاقىرىبىندا بريفينگ وتەدى.
11.00-دە الماتى مەنەدجمەنت ۋنيۆەرسيتەتىندە «اق جول» دەموكراتيالىق پارتياسى پارلامەنتتىك وپپوزيتسيا تۋرالى زاڭ جوباسىن تالقىلاۋعا ارنالعان دوڭگەلەك ۇستەل وتكىزەدى.
11.00-دە قازاقستان رەسپۋبليكاسى ۇلتتىق كىتاپحاناسىنىڭ ن. داۋلەتوۆا زالىندا «ەلدار يسمايلوۆ قازاقستاندا» كىتاپ البومىنىڭ تۇساۋكەسەرى وتەدى. كىتاپ البوم دۇنيەجۇزىلىك ازەربايجاندىقتار كونگرەسى ءتورالقاسىنىڭ مۇشەسى، التىن قالام يەگەرى، تۇركى الەمىنىڭ اقساقالى ەلدار يسمايلوۆقا ارنالعان.
