گەننادي گولوۆكين الەمنىڭ ۇزدىك 10 بوكسشىسىنىڭ قاتارىنان كورىندى

53 جەڭىس (36 نوكاۋت) ، ءبىر جەڭىلىس جانە ەكى تەڭ ناتيجەمەن ساۋل «كانەلو» الۆارەس الەمنىڭ ۇزدىك بوكسشىلارىنىڭ كوشىن باستاپ تۇر.

ۋكراينالىق ۆاسيلي لوماچەنكو ەكىنشى ورىنعا جايعاسقان. ول 14 جەڭىس (10 نوكاۋت) جانە ءبىر جەڭىلىس يەسى.

ءۇشىنشى ورىندى اسا اۋىر سالماقتاعى جەڭىلمەگەن ۋكراينا بوكسشىسى الەكساندر ۋسيك يەلەنىپ تۇر. ول 17 رەت جەڭىسكە جەتكەن (13 نوكاۋت) .

قازاقستان بوكسىنىڭ جۇلدىزى، ورتا سالماقتاعى IBF جانە IBO نۇسقالارى بويىنشا الەم چەمپيونى گەننادي گولوۆكين 9-ورىنعا جايعاستى. ونىڭ قورجىنىندا 40 جەڭىس (35 نوكاۋت) ، ءبىر جەڭىلىس جانە ءبىر تەڭ ناتيجە بار. «Big Drama Show» سوزىمەن تانىلعان سپورتشى رەيتينگتەگى قۇرمەتتى ورىنعا بەكەر جايعاسقان جوق.

ەستەرىڭىزگە سالا كەتەيىك، گولوۆكين اۋەلدە اۋەسقوي بوكسشى رەتىندە شىعىپ، 2003 -جىلعى الەم چەمپيوناتىندا التىن مەدال، ال 2004 -جىلعى وليمپيادا ويىندارىندا «كۇمىس» العان.

بىرنەشە جىلدان كەيىن ول كاسىپقوي بوكسقا اۋىسىپ، ءتورت جىلدان سوڭ الەمنىڭ ۋاقىتشا چەمپيونى دەگەن العاشقى اتاعىن جەڭىپ الدى. سوققىسىنىڭ قۋاتتى بولۋى ارقاسىندا ول تالانتتى بوكسشىعا اينالدى.

2017 -جىلى كانەلوعا قارسى جەكپە- جەكتەگى تەڭ ناتيجە مەن ريەۆانش كەزىندەگى جەڭىلىسى - گولوۆكين مانسابىنداعى داۋلى ساتتەر.

ايتا كەتەيىك، گەننادي ۋكراينالىق بوكسشى سەرگەي دەريەۆيانچەنكومەن بولعان سوڭعى كەزدەسۋىندە ورتا سالماقتاعى الەم چەمپيونى بەلبەۋىن قايتارىپ الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى