قىز الىپ قاشاتىندار ەندى 10 جىلعا دەيىن سوتتالادى
ەندى قىز ۇرلاۋشىلار 7 جىلدان 10 جىلعا دەيىن تۇرمەگە قامالادى. بۇل تۋرالى «ايەلدەر الەم بانكى» ۇكىمەتتىك ەمەس قۇقىق قورعاۋ ۇيىمىنىڭ ءتوراعاسى گۇلسانا ابىتوۆا مالىمدەدى.
«وتباسىن قۇرۋ ءۇشىن جاس قىزداردى ءوز ەركىنسىز الىپ قاشۋ ءالى دە جالعاسۋدا، ءتىپتى، قىزدار بۇنداي جاعدايدان كەيىن وزىنە قول جۇمساعان جاعدايلار دا بولدى»، - دەپ مالىمدەدى ابىتوۆا.
سونىمەن قاتار، قۇقىق قورعاۋ ۇيىمىنىڭ ءتوراعاسى كوپ جاعدايدا ۇرلانعان قىزداردىڭ اتا-انالارى مەن تۋىستارى ورىن العان جاعداي تۋرالى قۇقىق قورعاۋ ورگاندارىنا مالىمدەمەيتىندىگىن، ال سوتقا بىرەن-ساران جاعدايلار عانا جەتكىزىلەتىندىگىن جاسىرمادى.
قۇقىق قورعاۋشىلار كۇن سايىن قىرعىزستاندا كامەلەتتىك جاسقا تولماعان قىزداردى ۇرلاۋعا قاتىستى 30 عا جۋىق وقيعا تىركەلەتىندىگىن حابارلادى. ولاردىڭ التاۋى زورلىقپەن بولاتىنى ءمالىم بولدى. رەسپۋبليكا قالالارىندا ءاربىر بەسىنشى نەكە قالىڭدىقتى ۇرلاۋ جولىمەن قيىلسا، ال اۋىلداردا بۇل كورسەتكىش 60 پايىزعا جەتەدى، بۇلاي تۇرمىس قۇرۋدىڭ ۇشتەن ەكىسى قىزداردىڭ كەلىسىمىنسىز بولادى.
