الماتىلىق 10 جاسار قىز ا ق ش- تىڭ تەلەباعدارلاماسىنا ءتۇستى
ايتا كەتۋ كەرەك، بۇكىل الەمگە تارايتىن شوۋ ا ق ش- تا ەفيرگە جۇما كۇنى شىعادى.
ءبۇلدىرشىن ينستاگرامداعى ءوز پاراقشاسىندا تەلەارنا توبىنا العىس ءبىلدىردى.
«Nickelodeon كومانداسىنا كاسىبي بىلىكتىلىگى ءۇشىن العىس بىلدىرەمىن. سونىمەن قاتار، ءار ەلدىڭ بالالارىنا ۇلتى مەن ءتىلى، دىنىنە قاراماستان وسى شوۋعا قاتىسىپ، جۇلدىزداي جارقىراۋعا مۇمكىندىك بەرگەنى ءۇشىن مىڭ راحمەت»، - دەدى جاس جۇلدىز.
سوفي ماناسيان الەمدەگى ەڭ تانىمال بالالار مەن جاس وسپىرىمدەر شوۋىنا قاتىسقانىنا قۋانىشتى ەكەنىن جەتكىزدى.
«جاقىندا Nickelodeon ارناسىندا! كوڭىلدى بولادى! مەنىڭ انام سوندا ءتۇسۋىم ءۇشىن قولىنان كەلگەنىن جاسادى. ماعان ول ءۇشىن ءتىل ۇيرەنۋ قاجەت ەدى. بۇل ەستەن شىقپايتىن تاجىريبە بولدى. امەريكالىقتار ءۇشىن مەنىڭ اكتسەنتىم سەزىلىپ تۇردى. مەن ءالى دە كوپ ءازىل مەن قالجىڭداردى تۇسىنە بەرمەيمىن. ۇيرەنىپ السام، بۇدان دا ۇلكەن بيىكتەرگە جەتەمىن! Nickelodeon ارناسىن كورىڭىزدەر»، - دەدى ول.
مۇنىڭ الدىندا س. ماناسياننىڭ اناسى ونىڭ Lip Sync Battle Shorties بالالار شوۋىنا قاتىساتىنىن ايتقان بولاتىن. بۇل شوۋ جەرگىلىكتى ۋاقىتپەن ا ق ش- تا جۇما كۇنى كەشكى 19:00-دە كورسەتىلەدى.
قازاقستاندىقتار شوۋدى 12-قاڭتاردا 09:00 دە كورە الادى.
ايتا كەتۋ كەرەك، 10 جاسار الماتىلىق قىزدىڭ Nickelodeon ارناسىنداعى شوۋلارعا كاستينگتەن وتكەنى تۋرالى تامىزدا بەلگىلى بولعان ەدى.
Lip Sync Battle Shorties - بالالار مەن جاس وسپىرىمدەرگە ارنالعان امەريكالىق شوۋ-باعدارلاما. ەڭ العاشقى شىعارىلىمى 2016-جىلى 11-جەلتوقساندا شىققان ەدى.
