الەمدە قارۋ- جاراق ساۋداسىنىڭ كولەمى 10 پايىزعا ارتتى

بۇل تۋرالى ستوكگولم الەمدىك ماسەلەلەردى زەرتتەۋ ينستيتۋتىنىڭ (SIPRI) ەسەبىندە ايتىلدى، دەپ حابارلايدى «قازاقپارات» ح ا ا مەنشىكتى ءتىلشىسى.

 2008-2012 -جىلدارداعى دەرەكتەرمەن سالىستىرعاندا، ازيا جانە وكەانيا، سونداي- اق تاياۋ شىعىس ەلدەرىنە قارۋ- جاراق جەتكىزۋ كولەمى ارتقان. افريكا، امەريكا، جانە ەۋروپا ەلدەرىنە باراتىن قارۋ- جاراق اعىنى كەرسىنشە كەمىگەن. قارۋ ەكسپورتىمەن اينالىساتىن ەلدەر بەستىگى مىنالار: اقش، رەسەي، فرانتسيا، گەرمانيا، جانە قىتاي. اتالعان ەلدەرگە الەمدىك قارۋ ەكسپورتىنىڭ 74 پايىز ۇلەسى تيەسىلى.

ەكسپورتتا كوش باستاپ تۇرعان ەل ا ق ش - 34 پايىز. رەسەي ەكىنشى، فرانتسيا مەن گەرمانيا ءۇشىنشى ءتورتىنشى ورىنداردا. قىتاي بەسىنشى ورىندا تۇر، الايدا ونىڭ اسكەري ەكسپورتى 5 جىلدىڭ ىشىندە 38 پايىزعا ۇلعايعان.

 ال قارۋلانىپ جاتقان يمپورتەر ەلدەردىڭ كوشىن تايا شىعىس ەلدەرى باستاپ تۇر، سونىمەن قاتار ءۇندىستان سوڭعى جىلدار قارۋ ساتىپ الۋدا. ودان كەيىن ساۋد ارابياسى مەن ەگيپەتتە قارۋ يمپورتى ۇلعايىپ كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى