نيۋ-يوركتە قايتىس بولعان «بولاشاق» تۇلەگى ق ر سىرتقى ىستەر مينيسترلىگىندە 10 جىل قىزمەت ەتكەن

بۇل تۋرالى ق ر س ءى م وكىلدەرى فەيسبۋك جەلىسىندە جازدى.

«22 -جەلتوقسان كۇنى 36 عا كەلگەن شاعىندا قازاقستاندىق ديپلومات اسقار ەرمەك ۇلى جۇمابايەۆ باقيلىق بولدى. اسقار جۇمابايەۆ قازاق گۋمانيتارلىق زاڭ ۋنيۆەرسيتەتىنىڭ تۇلەگى جانە ول قازاقستاننىڭ سىرتقى ىستەر مينيسترلىگى جۇيەسىندە 10 جىل قىزمەت ەتتى. اسقار ءتۇرلى جىلداردا حالىقارالىق-قۇقىق دەپارتامەتىندە، س ءى م-نىڭ كوپباعىتتى ىنتىماقتاستىق دەپارتامەنتىندە، سونىمەن قاتار قازاقستاننىڭ نيۋ-يوركتە ورنالاسقان بىرىككەن ۇلتتار ۇيىمىنىڭ تۇراقتى وكىلدىگىندە جۇمىس ىستەدى. سوڭعى ۋاقىتتا نيۋ-يورك ۋنيۆەرسيتەتىندە «بولاشاق» باعدارلاماسى بويىنشا ءبىلىم الىپ جۇرگەن. اسقاردىڭ ارىپتەستەرى ونى قاراپايىم دا، سىپايى، ينتەللەكتۋالدى ازامات، ءوز كاسىبىنىڭ ناعىز مامانى، جاناشىر جولداس، قامقور اكە رەتىندە بىلەدى. اسقاردىڭ ارتىندا جۇبايى مەن ەكى بالاسى قالدى.

ا. جۇمابايەۆتىڭ جاقىندارى مەن تۋعان-تۋىستارىنىڭ قايعىلارىنا ورتاقتاسىپ، كوڭىل ايتامىز. اسقار ماڭگى ءبىزدىڭ جادىمىزدا قالادى. يماندى بولسىن!»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى