ەلباسى 10 جاسار الماتىلىق ءانشى تولەشوۆانىڭ ونەرىنە ءتانتى بولدى

بۇگىن جاس انشىمەن كەزدەسكەن ق ر مادەنيەت جانە سپورت ءمينيسترى ارىستانبەك مۇحامەدي ۇلى ەلباسىنىڭ جىلى لەبىزىن جەتكىزدى، دەپ حابارلايدى قازاقپارات ءتىلشىسى.

«مەملەكەت باسشىسى نۇرسۇلتان ءابىش ۇلى سەنىڭ ونەرىڭە ءتانتى بولعانىن جەتكىزۋدى سۇرادى. 15- جەلتوقساندا دانەليا تاۋەلسىزدىك كۇنىنە ارنالعان مەرەكەلىك شارادا ونەر كەرسەتتى. پرەزيدەنت تە، حالىق تا ءوز ريزاشىلىعىن ايتىپ جاتىر. ەندى، بۇل - ۇلكەن ەرلىك. دانەليا 15- جەلتوقساندا ۇشىپ كەلدى دە بىردەن كونسەرتكە قاتىستى. سول كۇنى تۇندە كيەۆكە اتتاندى. سەبەبى 16-سىندا - فينال. ۇزاق جولعا قاراماستان، تاماشا ونەر كورسەتىپ، جەڭىسكە جەتتى»، - دەدى ا. مۇحامەدي ۇلى بۇگىن دانەليا تولەشوۆامەن بولعان كەزدەسۋدە.

ايتا كەتەيىك، كەزدەسۋ كەزىندە مينيستر جاس انشىگە ءوز قۇتتىقتاۋىن جەتكىزىپ، ميني-ايپاد سىيلادى. سول جەردە دانەليا تولەشوۆا الداعى جوسپارى جايىندا ايتىپ بەردى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى