كونكي سپورتىنان قازاقستان وليمپياداعا 10 جولداما جەڭىپ الدى

حالىقارالىق كونكيمەن سىرعاناۋ وداعى الەم كۋبوگىنىڭ ءتورت كەزەڭىنىڭ قورىتىندىسىن جاساپ، 2018-جىلعى قىسقى وليمپيادا ويىندارىنا جولدامالار سانىن ۇلەستىردى. ناتيجەسىندە قازاقستانعا كونكي تەبۋ سپورتىنان 10 جولداما بۇيىردى.

ونىڭ ۇشەۋىن 500, 1 000 جانە 1500 مەتر قاشىقتىقتا ەكاتەرينا ايدوۆا جەڭىپ الدى. ال ەرلەر اراسىندا رومان كرەچ جانە فەدور مەزەنتسيەۆ - 500 مەتر، سونداي-اق، فەدور مەزەنتسيەۆ، پالكين ستانيسلاۆ جانە دەنيس كۋزين - 1000 مەتر قاشىقتىقتا وليمپيادادا ەل نامىسىن قورعايدى. ال دەنيس كۋزين مەن فەدور مەزەنتسيەۆ تاعى دا 1500 مەتر قاشىقتىقتا ونەر كورسەتەدى.

ەستەرىڭىزگە سالا كەتەيىك، كۋزين، كرەيچ جانە ايدوۆا ۆانكۋۆەردە جانە سوچيدە وتكەن وليمپيادا ويىنداردا ونەر كورسەتكەن بولاتىن.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى