قازاقستاندا 10 مىڭنان استام ادام جەمقورلىق ءۇشىن سوتتالعان

«2001-جىلدان بەرى قازاقستاندا جەمقورلىق ءۇشىن 10 مىڭنان استام ادام سوتتالدى. ولاردىڭ ىشىندە 2 ەكس-پرەمەر، 17 ءتوراعا، مينيسترلەر مەن ولاردىڭ ورىنباسارلارى، 15 وبلىس پەن قالا اكىمدەرى، ۇلتتىق كومپانيالاردىڭ 8 توپ-مەنەدجەرى، كۇش قۇرىلىمدارىنىڭ 8 جەتەكشىسى، گەنەراليتەت بار. بۇنىڭ بارلىعى ادامنىڭ زاڭ الدىندا تەڭ ەكەنىن، قىلمىستى كىم جاساسا دا، جازادان قۇتىلا المايتىنىن كورسەتەدى»، - دەيدى قوجامجاروۆ.

ونىڭ ايتۋىنشا، اتالعان شارالاردىڭ ارقاسىندا حالىقتىڭ ىشىندە سىبايلاس جەمقورلىققا قارسى كۇرەسكە سەنەتىندەردىڭ سانى ەكى ەسەگە ارتتى. ال پارا بەرۋ جاعدايلارى تومەندەدى.

«ارينە، ۇيىمداستىرۋشىدان باستاپ ورىنداۋشىعا دەيىنگى بارلىق قىلمىستىق تىزبەكتى انىقتاۋ جۇمىسىنا نەگىزگى باسىمدىق بەرگەن ءجون. ال، ەڭ باستىسى، مەملەكەت قارجىسىن جىمقىرۋدى ءاۋ باستان اشكەرەلەۋ كەرەك»، - دەپ اتاپ كورسەتتى اگەنتتىك باسشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى