ماحاببات تۋرالى اسەرلى 10 فيلم - فوتو
ماحاببات تۋرالى رومانداردا ءبىر-بىرىنە شىن عاشىقتاردى ءتىپتى ءولىم دە اجىراتا المايتىنى جازىلادى. مۇنى ماڭگلىك ماحاببات تۋرالى 10 اسەرلى كارتينا دالەلدەيدى. بەتورامالدارىڭىزدى قولدارىڭىزعا الىپ، جايعاسىپ وتىرىڭىزدار. . .
P. S. مەن سەنى سۇيەمىن
سەسيليا احەرننىڭ وسى اتتاس رومانىنىڭ جەلىسى بويىنشا ريچارد لاگراۆەنەزدىڭ تۇسىرگەن فيلمى كورەرمەندى ءبىر جارىم ساعات بويى جىلاتادى. اكتەرلەر حيلاري سۋونك پەن وتە تارتىمدى دجەرارد باتلەردىڭ ويىنىنان ءلاززات الاسىڭ.
وكىنىشكە وراي، اجال ايتىپ كەلمەيدى. دجەرري مەن حوللي دە باسقا وتباسلىق جۇپتار سەكىلدى ۇرسىسىپ قالادى، ءبىر-بىرىنە وكپەلەيدى، ءبىراق ەشقاشان بىرىنە ءبىرى جاقسى كورمەيمىن دەگەن ءسوزى ايتقان ەمەس. ولار بىرگە قارتايىپ، و دۇنيەگە دە بىرگە بارامىز دەپ ويلايتىن، ءبىراق تاعدىر ولارعا ءبىر بولۋدى جازبادى. دجەرري ناۋقاس، جاقىندا سۇيىكتىسىن جالعىز قالدىرىپ كەتە بارماق. ولەر الدىندا ول سۇيىكتىسى حولليگە ارناپ 7 حات قالدىرادى، بۇل حاتتار ءحولليدىڭ كۇيزەلىستەن شىعۋىنا كومەكتەسەدى، ارى قاراي ءومىر سۇرۋگە ۇيرەتەدى. ءار حاتتا قاراپايىم عانا فرازا جازىلعان « P. S. مەن سەنى سۇيەمىن».
« وزگە جانعا عاشىق بولۋدان قورىقپا، ءوزىڭدى سۇيەتىن جان ساعان بەلگى بەرگەنشە كۇت، سوندا عانا وتكەن ومىرىڭنەن اسىلتاي الاسىڭ! P. S. مەن سەنى ءومىر بويى ءسۇيىپ وتەمىن!».
سلادكيي نويابر(ءتاتتى قاراشا)
وسى كارتيناداعى ءرولى ءۇشىن شارليز تەرون « پەرل-حاربور» دەپ اتالاتىن اسكەري- تاريحي فيلمنىنە تۇسۋدەن باس تارتتى. « سلادكيي نويابر» 2001 - جىلى «زولوتايا مالينا»(التىن تاڭقۋراي) جۇلدەسىنە ۇسىنىلدى، بۇل كارتينا كورەرمەننىڭ ماحاببات تۋرالى ەڭ سۇيىكتى لەنتاسىنا اينالدى.
جارناماشى نەلسون موسس شىكىرەيىپ كوستيۋم كيىپ، تابىستى جاساۋمەن اينالىسادى، ونىڭ ءومىرى وزىنە ۇنايدى. بىردە ول وتە تارتىمدى، وزگەلەردەن ەرەكشە بويجەتكەن سارا ديۆەرمەن تانىسادى. نەلسون ءۇشىن بۇل كەزدەيسوق كەزدەسۋ، ول ءوزىنىڭ سۇپ-سۇر الەمىنەن سىتىلىپ شى، عۋعا مۇمكىندىك الدى. سارا ونى ءوزىنىڭ كەزەكتى « ناۋقاسى» دەپ قابىلدايدى جانە وعان ماحابباتقا تولى قاراشا ايىن ارناماق بولادى.
« مەنىڭ ماقساتىم بىرەۋ - سەن ءسۇيۋ. ءومىرىڭنىڭ ءاربىر ساتىنەن ءلاززات الۋ ءۇشىن سەنى باقىتتى ەتۋ. قاراشا - بۇل بۇكىل ءومىر. باسقا ەشتەڭەنىڭ كەرەگى جوق...».
سپەشي ليۋبيت(ماحابباتقا اسىعىڭىز)
كارتينا اتاقتى جازۋشى نيكولاس سپاركستىڭ «سپەشي ليۋبيت» رومانىنىڭ جەلىسى بويىنشا ءتۇسىرىلدى. ول ماحاببات وقيعالارىنىڭ شەبەرى ەمەس پە. دجەيميدى ويناعان مەندي مۋر جاقسى ءانشى بولىپ شىقتى، ول كارتينادا بىرنەشە نازىك، اسەرلى كومپازيتسيالاردى ورىندادى.
جاستىق دەگەن عاجاپ قوي. العاشقى ماحاببات - ەڭ كۇشتى، ەڭ كىرشىكسىز، ەڭ اسەرلى سەزىم. لەندون كارتەر (شەين ۋەست) - مەكتەپتەگى ەڭ سىمباتتى، قىزداردىڭ جۇرەگىن جارالاعاشى جىگىت. بىردە ول وقۋ وزاتى، مەكتەپتەگى ەڭ سالماقتى قىز دجەيميدەن كومەك سۇراۋعا ءماجبۇر بولادى. قىز وعان كومەكتەسۋگە كەلىسەدى، ءبىراق ءبىر شارت قويادى. سىنىپتاسى وزىنە ەشقاشان عاشىق بولماۋى كەرەك. لەندون ويلانباستان كەلىسە كەتەدى، ءبىراق ول ءوزىنىڭ قىزعا بەرگەن سەرتىندە تۇرۋدىڭ قانشالىقتى قيىن بولاتىنىن سەزبەيدى دە.
«ءبىزدىڭ ماحابباتىمىز جەل سياقتى: كوزگە كورىنبەيدى، ءبىراق سەزىنەسىڭ».
وسەن ۆ نيۋ-يوركە(نيۋ-يوركتەگى كۇز)
« وسەن ۆ نيۋ-يوركە» دجوان چەننىڭ رەجيسسەر ەرتىندەگى ەكىنشى فيلمى. ۆكينويندۋستريادا ول « پوسلەدنيي يمپەراتور» جانە « ۆوجدەلەنيە» كارتينالارىنا تۇسكەن اكتريسا رەتىندە بەلگىلى. « وسەن ۆ نيۋ- يوركە» مەلودراماسىنىڭ باستى رولىندە گولليۆۋد سەكس- سيمۆولى ريچارد گير جانە ۆاينونا رايدەر وينايدى، ولاردىڭ شىعارماشىلىق بىرلەستىگى كورەرمەندى بەيجاي قالدىرمادى. ەكرانداعى جۇپ « سلادكيي نويابر» سەكىلدى 2001 - جىلى «زولوتايا مالينا» جۇلدەسىنە ۇسىنىلدى.
كاسىپكەر ءارى قىزقۇمار ۋيلل كەين كوڭىل كوتەرۋ ءۇشىن جاس شارلوتتامەن تانىسادى. سول كەزدە قىز ءوزىنىڭ 22 جاسقا تولعان تۋعان كۇنىن ءۋيلدىڭ مەيرامحاناسىندا اتاپ ءوتىپ جاتقان بولاتىن. جاي عانا كوڭىل كوتەرۋدەن باستالعان قارىم- قاتىناس ماحابباتقا ۇلاسادى. بىردە قىز ءوزىنىڭ قاتتى ناۋقاس ەكەنىن، ءبىر جىل عانا ءومىرى قالعانىن ايتادى. ۋيلل بۇعان قانشا كونگىسى كەلمەسە دە، قىزدى امان الىپ قالۋعا بارىن سالسا دا، قولىنان كەلەر شارا جوق.
« بۇل بۇرىننان بەلگىلى. ومىردە ماحاببات وقيعاسىنىڭ ەكى- اق ءتۇرى بار. نە جىگىت قىزىنان ايىرىلادى، نە قىز جىگىتىنەن. بۇل سولاي، بۇل سولاي. ايتەۋىر بىرەۋ جالعىز قالادى».
ۆينوۆاتى زۆيوزدى(كىنالى جۇلدىزدار)
فيلم جارىققا شىققانعا دەيىن دجون گريننىڭ « ۆينوۆاتى زۆيوزدى» كىتابى جارىق كوردى. رومان بىردەن تانىمالدىققا يە بولدى، كينەماتوگرافيستەر حەيزەلدىڭ وقيعاسىن بىردەن ەكرانعا شىعاردى. رولگە قىزىعۋشىلىق تانىتقان اكتريسا شەيلين ۆۋدلي، ءبىراق روماننىڭ اۆتورى ونى باستى رولگە ساي كەلمەيدى دەپ ەسەپتەدى. ءبىراق شەيلين سىناققا كەلە باستاعاندا بارلىق ءتۇسىرىلىم توبى اكتريسانىڭ ويىنىنا ءتانتى بولدى، وسىدان كەيىن بۇل رولگە باسقا ۇمىتكەرلەر تۋرالى ءسوز قوزعاۋدىڭ ءوزى ارتىق بولدى. شەيلينگە جۇپ بولعان ەنسەر ەلگورت.
حەيزەل جازىلمايتىن دەرتكە شالدىققان، قاتەرلى ىسىك. اۋرۋ ءبىر مەزەتكە باسەڭسىگەنمەن، قىز ءۇشىن ءومىردىڭ ەش ءمانى جوق. جاس قىز وزىنە قولداۋ تابۋ ءۇشىن ءتۇرلى كەشتەرگە بارادى، وسىنداي كەشتەردىڭ بىرىندە ول وگاستۋس ۋوتەرسپەن تانىسادى. بۇل كەزدەسۋ تاعدىردىڭ جازۋى بولسا كەرەك. ەكەۋى بىرگە ەستەن كەتپەس ساياحاتقا اتتانادى، ءسويتىپ ولار قانداي كەزدە دە ءومىردىڭ ءمانىن تابۋعا بولاتىنىن دالەدەيدى.
« ول وقىپ وتىرعان كەزدە ادەتتە ماۋجىراپ ۇيىقتاپ كەتەتىنىمىز سەكىلدى باياۋ عاشىق بولا باستادىم، كەيىن بىردەن ءسۇيىپ قالدىم».
تى، موي دوم(سەن، مەنىڭ ءۇيىم)
ماحاببات تۋرالى اسەرلى فيلمدى 2012 - جىلى تۇرىك رەجيسسەرى وزدجان دەنيز ءتۇسىردى. ول س اكتريسا فاحرييە يەۆدجەنمەن بىرگە استى ءرولدى وينادى.
ولاردىڭ تانىسۋى دا قاراپايىم: قىز باسىنان ساتقىندىقتى وتكەرگەننەن كەيىن اكەسىنىڭ ۇيىنە قايتىپ ورالادى. ال جىگىت ءوزىن ءوزى ءتۇسىنۋ ءۇشىن ۇزاق جىلدار جالعىز ءومىر ءسۇردى. ولاردىڭ جولى ءتۇيىسىپ، ءبىر- بىرىنەن جۇبانىش تاپتى. ءبىراق تاعدىرعا سەنىپ، سزىمگە بەرىلۋگە بولا ما؟ مۇمكىن ولارعا ءومىر تاعى دا سىناقتار ازىرلەپ قويعان بولار؟
« ءبىر ساتتەردە كەيبىر ادامداردىڭ سەنىڭ جۇرەگىڭدە ماڭگى قالاتىنىن، ءبىراق ومىرىڭدە بولمايتىنىن تۇسىنەسىڭ».
سەيچاس ساموە ۆرەميا(ەندى ۋاقىت كەلدى)
«ءومىر ءسۇر. ءسۇي. ارماندا» - مەلودرامانىڭ نەگىزگى ۇرانى. « سەيچاس ساموە ۆرەميا»، جازۋشى دجەنني داۋنحەمنىڭ 2007 - جىلى شىققان «پوكا يا جيۆا» رومانىنىڭ جەلىسى بويىنشا تۇسىرىلگەن. تابىنۋشىلار كىتاپتاعى وقيعانىڭ ەكرانعا شىعۋىن ەكرانيزاتسيۋ 5 - جىل كۇتتى. فيلمدى كورەرمەنگە سىلاعان بريتاندىق رەجيسسەر ول پاركەر.
تەسسە (داكوتا فاننينگ) نەبارى 17 جاستا، ول قاراپايىم امەريكالىق جاسوسپىرىمدەر سەكىلدى ءومىر سۇرگىسى كەلەدى. ءبىراق وعان اۋىر دەرتى مۇمكىندىك بەرمەيدى. قىز ءوزى ۇلگەرۋگە ءتيىس ىستەردىڭ ءتىزىمىن جاسايدى. قىز بىرتىندەپ ويىنداعىسىن جۇزەگە اسىرىپ جۇرەدى، بىردە ول ءوزىنىڭ كورشىسى ادامدى (دجەرەمي يرۆين) كەزدەستىرەدى. وسى كەزدە جوسپارىنىڭ بىت- شىتى شىعدى، ويتكەنى وعان ۋاقىت كوپ كەرەك ەكەن.
« ونىڭ كەتكەن سول-اق ەكەن، مەن ونى مساعىنىپ ۇلگەردىم. ول مەنىمەن بىرگە ەمەس كەزدە، مەن ونى ويدان جاساپ العانداي اسەردە بولامىن».
نەبو ليۋبۆي(ماحابباتتىڭ اسپانى)
وسى اتتاس رومان ەڭ العاش رەت موبيلدى ادەبيەت ءۇشىن سايتقا جاريالاندى. اۆتور ميك دەگەن اتاۋمەن تىركەلگەن. قىسقا عانا ۋاقىتتىڭ ىشىندە «نەبو ليۋبۆي» شىعارماسىن 20 ميلليون ادام وقيدى. كىتاپتىڭ سونشالىقتى تانىمالدىققا يە بولعانى سونشالىق، ونىڭ سيۋجەتى بويىنشا تولىق مەتر، سەريال ءتۇسىرىلدى.
جوعارى سىنىپتىڭ وقۋشىسى ميكا (يۋي اراگاكي) جىگىت تۋرالى ويلايتىن باسقا سىنىپتاستارىنا ۇقسامايدى. ونىڭ جۇرەگى ءالى ماحاببات سەزىمىن سەزىنبەگەن. بىردە ميكا حيرو (حارۋما ميۋرا) ەسىمدى جاس جىگىتپەن تانىسادى، قىسقا عانا ۋاقىتتىڭ ىشىندە ونىڭ ءومىرى تۇبەگەيلى وزگەرىپ شىعا كەلەدى.
« - نەگە سەن اسپاندى سونشا جاقسى كورەسىڭ؟
- سەبەبىنىڭ كەرەگى نە؟ جاقسى كورۋ ءۇشىن ەشقانداي سەبەپتىڭ كەرەگى جوق؟».
دو ۆسترەچي س توبوي(جاقىندا كورەسىز)
« دو ۆسترەچي س توبوي» - ەكراندالعان شىعارمالاردىڭ ءبىرى، وسى شىعارمانى وقىعان سوڭ ارمانداعىڭ، جىلاعىڭ كەلەدى. «دو ۆسترەچي س توبوي» رومانىن دجودجو مويەس 2012 - جىلى جازعان. رومان جارىققا شىققانان كەيىن وقىرماندار فيلم تۇسىرىلە مە ەكەن دەگەن قىزىعۋشىلىق تانىستا باستادى. باستى رولدە كىم وينايتىنى تۋرالى ايتىس- تارتىس كوپ بولدى. ايتەۋىر، مىنە شىلدە ايىندا 4 جىلدان بەرى كۇتىلگەن تە شەرروك كارتيناسىنىڭ تۇساۋكەسەرى بولدى.
لۋ كلارك (ەميليا كلارك) قارجىدان قاتتى قىسىلادى، سوندىقتان كاسىپكەر ۋيلل ترەينوردىڭ (سەم كلافلين) كۇتۋشىسى بولۋعا بىردەن كەلىسەدى. وقىس جاعدايدان كەيىن ۋيلل مۇگەدەكتەر ارباسىنا تاڭىلعان ەدى. بۇرىن وتە سىمباتتى، تابىستى بولعان جىگىت مۇگەدەك بولىپ قالعان سوڭ وزىنە قول سالماق بولادى. ويتكەنى بۇرىنعى ءومىرى ەسىنە تۇسكەن سايىن ول قاتتى كۇيزەلەدى. ونىڭ شەشىمىن ەشكىم وزگەرتە المايدى، ءتىپتى لۋ دا، ويتكەنى ماحابباتتىڭ ءوزى ءبىزدىڭ تولىق باقىتتى بولۋىمىز ءۇشىن جەتكىلىكسىز.
«ءوز تاجىريبەمنەن بىلەمىن، ءبىر كەسە شاي ىشكەننەن كەيىن شەشىلمەيتىن ماسەلە جوق...».
ادەل
اسقار بيسەمبيندى جۋرناليستەر «ۇيلەنۋ تويىنىڭ رەجيسسەرى» دەپ اتاپ كەتكەن. بۇل جولى رەجيسسەر سوڭى ەرەكشە اياقتالاتىن مەلودرامامەن تاڭ قالدىردى. باستى رولدەردى ورىنداعان بەرىك ايتجانوۆ جانە اسەل ءسادۋاقاسوۆا، اسەلدىڭ روديۋسەر رەتىندەگى بۇل العاشقى دەبيۋتى.
وقىس جاعدايدان كەيىن بەكجان سۇيىكتى ىسىمەن اينالىسۋدى قويىپ كەتەدى. شىعارماشىلىقتى قويعان سوڭ ول وتباسىنان، اتاعىنان ايرىلادى. دەرتىنەن ايىعۋىنا، ومىرگە قايتا ورالۋىنا ەشقانداي مۇمكىندىگى جوق دەپ ەسەپتەپ جۇرگەندە ول كورشىسى ادەلمەن تانىسادى. ادەل ونىڭ ومىرىنە جارقىن بوياۋ ەنگىزەدى. ۋاقىت وتە كەلە كەيىپكەر ومىرگە قايتا ورالۋ كەرەكتىگىن تۇسىنەدى.
« ماحابباتتى ەنگىزىڭىز، ول سىزگە تىرىلتەدى».
دەرەككوزى: وتاندىق «ب ا ق»
