ءۇش دۇركىن قازاقستان بارىسى بەيبىت ىستىبايەۆ 10 جاسار بالادان «جەڭىلىپ» قالدى

دەپ حابارلايدى قازاقپارات ءتىلشىسى.

 قازاق كۇرەسىنەن ءوتىپ جاتقان الەم چەمپيوناتى بارىسىندا كورەرمەندەر اراسىنادا قىزىقتى ويىندار ۇيىمداستىرىلدى. سونىڭ بىرىندە ءۇش دۇركىن «قازاقستان بارىسى» اتانعان بەيبىت ىستىبايەۆتى كورەرمەندەر اراسىنان كىم جىقسا، سول بالۋانعا 50 مىڭ تەڭگە سىيلىق بەرىلۋى كەرەك ەدى.

بۇل ويىندا بەيبىتپەن بوزكىلەمگە شىعۋعا ەرەسەكتەردەن ەشكىمنىڭ باتىلى جەتپەدى. الايدا، 10 جاسار استانالىق بالا «بەيبىت اعامەن مەن بەلدەسەمىن» دەپ بوز كىلەمگە جۇگىرىپ شىعىپ، جۇرەكتىلىك تانىتتى. بەيبىت ءبۇلدىرشىننىڭ قايسار مىنەزىنە ءتانتى بولىپ، موينىنا كوتەرىپ، جولىن بەردى. وسىلايشا استانالىق 10 جاسار بالا جەڭىمپاز اتاندى.

  اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى