ماڭعىستاۋدىڭ «ۇلگىلى اۋىلىنا» 10 ميلليون تەڭگە بەرىلمەك
ارنايى قۇرىلعان كوميسسيا قاجەتتى نىساندارمەن قامتىلعان، تالاپقا ساي اباتتاندىرىلىپ، جاسىل- جەلەككە ورانعان اجارلى اۋىلدى انىقتايدى. بايقاۋدا اۋىل ازاماتتارىنىڭ تۋعان جەرىن دامىتۋعا قوسقان ۇلەسى دە ەسكەرىلەدى. ءبىرىنشى ورىن العان ەلدى مەكەنگە 10 ميلليون تەڭگە جۇلدە بەرىلمەك. ال، ەكىنشى ورىنعا 7,5 ميلليون تەڭگە، ءۇشىنشى ورىنعا 5 ميلليون جۇلدە قاراستىرىلعان. 2 ميلليون تەڭگە كولەمىندە ىنتالاندىرۋ سىيلىعى دا بار. بۇل قارجى جەڭىسكە جەتكەن اۋىلداردى اباتتاندىرۋ ىسىنە جۇمسالادى.
