ماحابباتتىڭ 10 قۇپياسى
سونداي دارىستەردىڭ بىرىندە: «ءبىز ستۋدەنتتەردى وقۋعا، جازۋعا ۇيرەتەمىز. ءبىراق دۇنيەنى، قۇبىلىستى سەزىنۋگە ۇيرەتپەيمىز. دۇنيەنى سەزىنبەگەن ادام ماحابباتتى قايدان سەزىنسىن؟» - دەگەن ەكەن.
جازۋشى «ماحابباتتىڭ 10 قۇپياسىنان» باسقا، دەنساۋلىقتى ساقتاۋ، باقىت قۇسىن قوندىرۋ، جەتىستىك راحاتىن سەزىنۋ، بايلىققا قول جەتكىزۋ سەكىلدى ادام ومىرىنەن ويىپ تۇرىپ ورىن الاتىن رۋحاني دا ماتەريالدى قۇندىلىقتارعا قول جەتكىزۋدىڭ 10 ءتۇرلى قۇپياسىن جازعان.
ءار ادام ءوز ءومىرىنىڭ سۋرەتشىسى، ءوز باقىتىن قالاۋشى. ءوز ماحابباتىن قۇرۋشى. سونىمەن دجەكسون ۇسىنعان 10 قۇپيا قانداي ەكەن؟!
1. ماحابباتتىڭ ءبىرىنشى قۇپياسى - ويلاۋ.
ادام جاقسى نارسەلەردى ويلاۋ ارقىلى ونى وزىنە تارتادى. ياعني ادام ساناسىن ماحابباتقا تولى وي بيلەسە، وندا ادام ماحابباتقا تولى ءومىر كەشەدى دەپ تۇسىندىرەدى.
2. ماحابباتتىڭ ەكىنشى قۇپياسى - سىيلاستىق.
وزگەنى سىيلاماس بۇرىن، ءوزىڭدى- ءوزىڭ سىيلاپ، وزگەگە ءوزىڭدى سىيلاتا ءبىلۋ. ول - ءوزىڭدى سىيلاۋ ارقىلى وزگەگە سىيلاستىق تانىتۋ. بۇل قاعيدات ماعان ءار نارسەنىڭ باستاۋشىسى - ادام، ياعني ادام وزگەدەن قانداي ارەكەت كۇتسە، ءبىرىنشى سول قالاعان ارەكەتى وزىندە بولۋ كەرەك دەگەن ۇعىم قالىپتاستىردى.
3. ماحابباتتىڭ ءۇشىنشى قۇپياسى - سىي تارتۋ كۇشى نەمەسە «سۇيگەنىڭىزدى ءومىرىڭىزدىڭ ءبىر بولشەگى رەتىندە سەزىنۋ» . ودان ۇعاتىنىمىز، سۇيگەن ادامىڭىزعا تەرەڭ سەزىم سىيلاۋ، مەيىرىمدى قارىم- قاتىناستا بولۋ.
4. ماحابباتتىڭ ءتورتىنشى قۇپياسى - دوستىق قۋاتى.
ناعىز ماحابباتىڭدى تابۋ ءۇشىن ناعىز دوس تابۋ كەرەك. نەگىزىنەن، سۇيىكتىڭىزبەن دوسىڭىزداي سىرلاسۋ، ياكي ءبىر باعىتتاعى كوزقاراستا بولۋ - ناعىز ماحابباتتىڭ قۇرىلۋىنا نەگىز بولارى انىق. ءومىر بويى جانىڭىزدان تابىلاتىن جان بولعاندىقتان ومىرلىك دوسىڭىز سول ەكەنىن ەستەن شىعارماۋ قاجەت. بىردەي ويلاۋ، ءبىر باعىتقا قاراۋ كوڭىل جاراستىعىن بىلدىرەدى.
5. ماحابباتتىڭ بەسىنشى قۇپياسى - جاناسۋ كۇشى («سيلا پريكوسنوۆەنيا»).
دجەكسوننىڭ ويىنشا، جاناسۋ قۋاتى ماحابباتتىڭ ەڭ كۇشتى سيپاتى جانە ول بارلىق كەدەرگىلەردى جويادى.
6. ماحابباتتىڭ التىنشى قۇپياسى - ەركىندىك بەرۋ.
«ەگەر بىرەۋدى سۇيسەڭىز، ونى ەركىنە قويىڭىز. ەگەر ول سىزگە قايتىپ ورالسا، ول ءسىزدىڭ ماحابباتىڭىز. ەگەر ورالماسا، ول ەشقاشان سىزدىكى بولماعان» .
7. ماحابباتتىڭ جەتىنشى قۇپياسى - سويلەسۋ قۋاتى.
شىنايى ءارى اشىق سويلەسە ءبىلۋ. وزگەنىڭ جان دۇنيەسىن ءتۇسىنۋ. جازۋشىنىڭ كوزقاراسى بويىنشا بۇل «بىرەۋدى ءسۇيۋ دەگەن ءسوز - ونىمەن سويلەسە ءبىلۋ، ءتىلىن تابۋ دەگەن ءسوز» .
8. ماحابباتىڭ سەگىزىنشى قۇپياسى - ادالدىق قۋاتى.
ماحابباتىڭىز ماڭگى بولسىن دەسەڭىز، وعان ادال بولىڭىز. ال، ادالدىق وي مەن ىستەن كورىنىس تاباتىنىن ەستەن شىعارماڭىز. كىتاپ اۆتورى: «ادالدىق - ماحابباتتىڭ ۇلكەن سىناعى. سەزىمگە تولى قارىم- قاتىناس قۇرۋ ءۇشىن الدىمەن وسى سەزىمگە ادال بولۋ شارت» دەيدى.
9. ماحابباتتىڭ توعىزىنشى قۇپياسى - سەزىمدى كورسەتۋ قۋاتى.
«سەزىم سۋىنعاندا ونى قايتا جاعۋعا، العاش لاۋلاعانداي قالىپقا قايتا جەتكىزۋگە بولادى. اياق استى توسىن سىيلار مەن جوسپارسىز شەشىمدەر سەزىمدى ۇرلەي تۇسەدى» .
10. ماحابباتىڭ ونىنشى قۇپياسى - سەنىم قۋاتى.
اۆتور كىتابىندا كوپتەگەن ادامداردىڭ سەنىمگە كەلگەن كەزدە ويلارىنان تايىپ، عاشىقتارىنان كۇماندانا باستاعاندارىن جازادى. «ەگەر ادامعا تولىق سەنبەسەڭ، وندا ونى تەرەڭ سۇيمەگەنىڭ. ەگەر وزگە جانعا دەگەن سەزىمىڭىزدى تەكسەرگىڭىز كەلسە، وزىڭىزدەن «مەن وعان تولىق سەنە الام با؟» دەپ سۇراڭىز»، - دەگەن ەكەن.
massaget.kz
