ق ر- دا مەملەكەتتىك سۋبسيديا يپوتەكا ستاۆكاسىن 10 پايىزعا دەيىن تومەندەتۋى مۇمكىن
بۇل جەردە ەسكەرتپەلەر دە جوق ەمەس، ول جايلى قازاقستان قۇرىلىس سالۋشىلار قاۋىمداستىعىنىڭ ءتوراعاسى مارات ىدرىشيەۆ ايتىپ بەردى. ول سونداي- اق «نۇرلى جەر» مەملەكەتتىك باعدارلاماسىنىڭ باسقا دا باعىتتارىنا توقتالدى، دەپ حابارلادى قاۋىمداستىقتىڭ باسپا ءسوز قىزمەتىنەن.
«قازاقستاندا باستاپقى تۇرعىن ءۇيدى ساتىپ الۋ ءۇشىن ەكىنشى دەڭگەيلى بانكتەر بەرگەن يپوتەكالىق كرەديتتەر ۇلەسى 5 پايىزدان اسپايدى. سالىستىرساق، رەسەيدە بۇل كورسەتكىش 50-70 پايىزدى قۇرايدى، بۇل الەمدىك ستاندارت»، - دەدى ول. ونىڭ ايتۋىنشا، مەملەكەت يپوتەكانى سۋبسيديالايدى. رەسەيدە، مىسالى، ستاۆكا جىلدىق 11-12 پايىزدى قۇرايدى.
«يپوتەكا بويىنشا ستاۆكا قازاقستاندا 17 پايىزدى قۇرايدى، سۋبسيديالاۋمەن ول 10 پايىزعا تومەندەيدى. بىزدە ءبىر ەلەۋلى ايىرما بار. كورشى ەلدە اياقتالماعان قۇرىلىستى كەپىلگە قويىپ، نەسيە الۋعا بولادى. بىزدە تەك دايىن تۇرعىن ءۇيدى عانا كەپىلگە قويا الادى». باعدارلامانىڭ بارلىق الەۋمەتتىك ءمانى بۇرمالانىپ تۇر. ەگەر ولاردا پاتەر بولماسا، وتباسى كەپىلگە نەنى قويادى؟ بۇل ماسەلە ءالى دە تالقىلانادى، ىمىرالى شەشىمى تابىلادى دەپ ويلايمىن»، - دەپ اتاپ ءوتتى ىدرىشيەۆ.
يپوتەكانى 20-30 پايىز باستاپقى جارنا بولعان كەزدە عانا بەرۋگە بولادى. «يپوتەكالىق قارىزدىڭ سوماسى 15 ميلليون تەڭگەدەن اسپايدى، ياعني، ەگەر پاتەردى 30 ميلليون تەڭگەگە ساتىپ الساڭ، وندا سىزگە وسى سومانىڭ جارتىسىن بەرەدى. قالعان سوما ءسىزدىڭ باستاپقى جارناڭىز رەتىندە بولۋى ءتيىس. وسىلايشا، مەملەكەت، ءبىر جاعىنان سۇرانىستى ىنتالاندىرىپ، نارىقتا تاعى ءبىر سەنىمسىزدىك تۋىنداماۋعا كۇش سالادى»، - دەپ قوستى ول.
