پوليتسەيلەر 10 جاستاعى قىزدى كۇيەۋگە بەرمەك بولعان اۋىل اقساقالدارىن تۇتقىندادى
ەكى بالانىڭ جانۇياسى وسىلايشا ءوز ارالارىندا تۋىنداعان وشپەندىلىكتى باسپاق بولدى.
پەندجاب پروۆينتسياسىنداعى اۋىلدىڭ اقساقالدارى قالىڭدىقتىڭ اعاسىنا ءوز ايەلىن وپاسىزدىق جاسادى دەگەن كۇدىكپەن ءولتىردى دەگەن ايىپ تاعىلعان سوڭ وسىنداي شەشىم قابىلداعان.
ول قاماۋعا الىنىپ، تۇرمەگە وتىرعىزىلدى.
بۇل ماسەلەگە قانىق جانداردىڭ ايتۋىنشا، ادەتتە تۋىسى جاساعان قىلمىستى وتەۋى ءۇشىن جانۇياداعى قىز بالا زارداپ شەككەن جاققا كۇيەۋگە شىعۋى ءتيىس. الايدا ەلدە بۇعان رەسمي تۇردە تىيىم سالىنعان. ءبىراق جەر-جەردە مۇنداي وقيعالار ورىن الىپ جاتادى.
پوليتسيانىڭ حابارلاۋىنشا، وسى ىسكە بايلانىستى اۋىلدىڭ ءتورت قارياسى قاماۋعا الىندى.
توي جۇما كۇنى بولۋى ءتيىس ەدى، الايدا قۇقىق قورعاۋ ورگاندارى كەلىپ، كەدەرگى كەلتىردى. تاعى جيىرماعا جۋىق كۇدىكتى ىزدەستىرىلۋدە، دەپ حابارلايدى BBC.
