قازاقتىڭ تەلەحيكايالاردا بوي كورسەتكەن ەڭ سىمباتتى ءارى سۇلۋ 10 اكتريساسى
ولاردىڭ ءمىنسىز كەلبەتى تەك تابيعاتىنىن بەرىلدى دەسەك، جاڭىلعانىمىز بولار. ويتكەنى بۇل ارۋلار سىمباتىنا ەرەكشە كوڭىل ءبولىپ، ارنايى ماماندارمەن سپورت زالىندا جاتتىعادى. كەيدە ءتىپتى قاتاڭ ديەتا ۇستاۋعا ءماجبۇر بولادى.
Stan.kz وتاندىق تەلەحيكايالاردا بوي كورسەتكەن قازاقتىڭ ەڭ ادەمى 10 اكتريساسىن ۇسىنادى.
بيبىگۇل ءسۇيىنشالينا
اكتريسا ءوزىنىڭ مانساپ جولىن نەبارى 8 جاسىندا باستاعان. العاش "جۇلدىزىم" اتتى بەينەبايانعا تۇسكەن. وسى ۋاقىتقا دەيىن ءوزى باستى ءرولدى سومدايتىن ون شاقتى فيلمگە ءتۇسىپ ۇلگەردى. وتاندىق "استانا - ماحابباتىم مەنىڭ" تەلەحيكاياسىنا دا تۇسكەن.
گۇلناز جولانوۆا
ارۋ ماڭعىستاۋ ايماعىنىڭ تۋماسى. حالىققا «قازاق ارۋى-2014» بايقاۋىنىڭ جەڭىمپازى رەتىندە تانىس. ەكونوميكالىق ليتسەيدى ءتامامداپ، قازاق ۇلتتىق ۋنيۆەرسيتەتىندە «گەوگرافيا، مەنەدجمەنت جانە تۋريزم» ماماندىعى بويىنشا ءبىلىم العان. سۇلۋ بويجەتكەن سالت- داستۇرلەردى بەرىك ۇستانىپ، تاريحى مەن ءتىلىن ەركشە قادىرلەيدى. «ماحابباتىم جۇرەگىمدە» تەلەحيكاياسىندا باستى رولدەردىڭ ءبىرىن سومداعان. «كۇنتىزبە» سىندى باعدارلامانىڭ جۇرگىزۋشىسى دە بولعان.
جانار دۇعالوۆا
ونەرىمەن تۇركى جۇرتىن ءتانتى ەتكەن ءانشى ساحنادا 5 جاسىنان باستاپ ءان ايتىپ كەلەدى. 14 جاسىندا «جاس قانات» بايقاۋىنىڭ جەڭىمپازى اتانعان. ت. جۇرگەنوۆ اتىنداعى اكادەميادا «اكتەرلىك شەبەرلىك»ماماندىعى بويىنشا ءبىلىم العان. «عاشىق جۇرەك - 2»، «استانا - مەنىڭ ماحابباتىم»، «ماحابباتىم جۇرەگىمدە» سىندى تەلەحيكايالارعا ءتۇسىپ ۇلگەرگەن.
قارلىعاش مۇحامەدجانوۆا
وپەرا ءانشىسى نۇرجامال ۇسەنبايەۆا مەن ايگىلى كومپوزيتور تولەگەن مۇحامەدجانوۆتىڭ قىزى. ەكىنشى جوعارعى ءبىلىم مەن تاجىريبەنى ا ق ش- تا العان. 2009 -جىلى «لاۆە» اتتى فيلمگە تۇسكەن بويجەتكەن اتالعان فيلمنەن سوڭ "استانا - مەنىڭ جۇرەگىمدە" اتتى تەلەحيكايادا بوي كورسەتەدى.
جانيا دجۋرينسكايا
كوپشىلىككە «ۆۋزەرى» تەلەحيكاياسى ارقىلى تانىلىپ ۇلگەرگەن اكتريسا بايقوڭىر اۋىلىنىڭ تۋماسى. جاستايىنان ۇلكەن قالادا ءومىر ءسۇرۋدى ارمانداپ، مەكتەپتى ءتامامداعان سوڭ الماتى قالاسىنا وقۋعا تاپسىرادى. ۇلكەن قالادا جولى بولىپ، بايان ەسەنتايەۆادان شاقىرتۋ الادى. كەلىسىم- شارتتىڭ كۇشى بىتكەن سوڭ جانيا ۇلكەن ساحناعا قايتىپ ورالماي، ءوزىن تەك اكتەرلىك قىرىنان تانىتۋمەن بولادى. «بولاشاق»، «عاشىق جۇرەك»، «مارجان»، «ۆۋزەرى»، «ايسۇلۋ»، «ساندۋعاش» سىندى تەلەحيكايالاردا ويناعان. مۇنىمەن قاتار، قايرات نۇرتاستىڭ «وكىنىش» اتتى فيلمىنە تۇسكەن.
ايسۇلۋ ازىمبايەۆا
اكتريسا الماتى قالاسىنىڭ تۋماسى. 2004 -جىلى دۋبايداعى «امەريكالىق ۋنيۆەرسيتەتتىڭ» «قارجى» ماماندىعىنا تۇسكەن. 2010 -جىلى «اسەل جانە ونىڭ دوستارى» اتتى تەلەحيكايادا باستى رولدەردىڭ ءبىرىن سومدايدى. «قارا اققۋ» فيلمىنە پاروديا رەتىندە تۇسىرىلگەن قىسقامەتراجدى فيلمگە تۇسكەن. بۇدان وزگە «ۇستاز»، «ءۇي ساربازدارى» اتتى سيتكومداردا باستى رولدەردىڭ ءبىرىن سومداعان.
دينارا باقتىبايەۆا
ءجۇزى سۇلۋ اكتريسا جاڭاوزەندە دۇنيەگە كەلىپ، ارتىنشا وتباسىمەن بىرگە اتىراۋ قالاسىنا كوشىپ كەلگەن. دينارا مەكتەپتەن كەيىن الماتىداعى ج و و- لاردىڭ بىرىنە تاپسىرعان. 2013 -جىلى "قىز بەن جىگىت" فيلمىنە ءتۇسىپ، كوپشىلىككە اكتريسا رەتىندە تانىلادى. بۇدان وزگە، 2014 -جىلى جارىق كورگەن "نارحوز" اتتى سيتكومعا شاقىرتۋ الىپ، باستى رولدەردىڭ بىرىنەن كورىنەدى.
ساياگۇل ورازعاليەۆا
سايا 2010-2012 -جىلدارى ۆوكاليس بولعان. ونىڭ ەڭ العاشقى جوباسى - "جانىم" اتتى تەلەحيكايا. اتالعان تەلەحيكايادا جالعىزباستى انانىڭ ءرولىن سومدايدى. «ۆۋزەرى" تەلەحيكاياسىنان كەيىن عانا تانىمالدىلىققا قول جەتكىزەدى. اكتريسا بار ۋاقىتىن بالاسى رادميرمەن وتكىزۋگە تىرىسادى. ءدال قازىر بالاسىن جالعىز ءوزى تاربيەلەۋدە.
ارۋجان جازىلبەكوۆا
ارۋجاننىڭ كاسىبي ماماندىعى جۋرناليست بولسا دا، كوپتەگەن فيلمدەرگە شاقىرتۋ الىپ، باستى رولدەردى سومداپ ءجۇر. 2010 -جىلى رەجيسسەر توقتار قارساقبايەۆ «ماحاببات اتكەنشەگى» اتتى كينوعا باستى ءرولدى ويناۋعا شاقىرادى. بۇدان كەيىن جاستارعا ارنالعان "اسەل جانە ونىڭ دوستارى" اتتى تەلەحيكايادا باستى ءرولدى سومداپ، ەگور كونچالوۆسكيدىڭ "استانا - مەنىڭ جۇرەگىم" اتتى كينوالماناحىندا بوي كورسەتەدى. 2012 -جىلى "سانجار مەن قايسار"، "نۇركەنوۆتار وتباسى" اتتى تەلەحيكايالارعا تۇسكەن.
اسەم جاكەتايەۆا
قازاقستاندىقتار بۇل ارۋدى العاش "Superstar. kz" جوباسىنان كورگەن بولاتىن. سول كەزدىڭ وزىندە كورەرمەننىڭ كوزايىمىنا اينالىپ ۇلگەرگەن. الايدا اتالعان جوبادان كەيىن اراعا بەس جىل ءۇزىلىس سالىپ، ايلان اتتى ەسىممەن ساحناعا قايتا ورالادى. ايگىلى "ۆۋزەرى" تەلەحيكاياسىندا باستى رولدەردىڭ ءبىرىن سومدادى.
سۋرەتتەر: جۇلدىزداردىڭ الەۋمەتتىك جەلىلەردەگى پاراقشاسىنان الىندى
