جاڭا تەحنولوگيا سالدارىنان الداعى 10 جىلدا كوپتەگەن ماماندىقتار جويىلادى - عالىمدار

امەريكا بانكىنىڭ ەسەبىندە، 2025-جىلدارى روبوتتار ا ق ش- تا ءوندىرىس جۇمىسىنىڭ 45 پايىزىن اتقارادى دەلىنگەن. قازىر بۇل كوسەتكىش - %10.

جويىلاتىن كاسىپتەر قاتارىندا - مالىمەتتەردى وڭدەۋگە قاتىستى اكىمشىلىك قىزمەتتەر، وندىرىستىك ماماندار تۇر. روبوتتاندىرۋ %80-100 قامتيتىن ماماندىقتار قاتارىندا - تاكسي جۇرگىزۋشىلەرى، ناۋبايشىلار، فارماتسيەۆتيكا قىزمەتكەرلەرى، ساقتاندىرۋ اگەنتتەرى، ساتۋشىلار، سالىق جيناۋشىلار بار.

سۇرانىس ازايمايتىن سالالار رەتىندە تۇيسىكتى تالاپ ەتەتىن، ادام جانىن تۇسىنەتىن ءارى الەۋمەتتىك قارىم-قاتىناستى قاجەت سالالار اتالۋدا. ولار - دارىگەرلەر، پسيحولوگتار، ءورت سوندىرۋشىلەر، پوليتسەيلەر، ارتىستەر، الەۋمەتتىك جانە ءدىن قىزمەتكەرلەرى.

ەكونوميكا ساراپشىلارى روبوتتاندىرۋ جاھاندىق ەكونوميكانى وزگەرتىپ، تابىستىڭ اركەلكىلىگىن ارتتىرا تۇسەدى دەپ بولجاۋدا. ويتكەنى، اۆتوماتتاندىرۋدان تومەن جالاقىلى ءارى بىلىكتىلىك تالاپ ەتىلمەيتىن قىزمەتكەرلەر زارداپ شەگەدى.

الايدى Deloitte زەرتتەۋلەرىنە قاراساق، انگليادا سوڭعى 140 جىلدا جاڭا تەحنولوگيا الماستىرىپ جابىلعان جۇمىس ورىندارىنان وعان قىزمەت كورسەتۋشى جۇمىس ورىندارى كوپ اشىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى