الماتىدا 10 ادام شوشقا تۇماۋىن جۇقتىرعان

ق ر دەنساۋلىق ساقتاۋ جانە الەۋمەتتىك دامۋ مينيسترلىگى تۇتىنۋشىلاردىڭ قۇقىعىن قورعاۋ كوميتەتىنىڭ الماتى قالاسى بويىنشا دەپارتامەنتىنىڭ ەپيدەميولوگيالىق باقىلاۋ ءبولىمىنىڭ باسشىسى الماش احمەتوۆا 2015 -جىلدىڭ 10- جەلتوقسانى مەن 2016 -جىلدىڭ 14- قاڭتارى ارالىعىندا الماتىدا ا H1N1 ءتيپتى تۇماۋدى جۇقتىرۋعا بايلانىستى 10 وقيعا تىركەلگەنىن ايتتى.

ولاردىڭ جەتەۋى - ەرەسەك ازاماتتار، قالعانى - 14 جاسقا دەيىنگى جاسوسپىرىمدەر.

«ەگەر ناۋقاستار دەر كەزىندە دارىگەرگە قارالاتىن بولسا، تۇماۋدى تولىعىمەن ەمدەۋگە بولادى. الەۋمەتتىك جەلىلەردەگى اقپاراتتار شىندىققا جاناسپايدى. وندا مۇنداي قايعىلى وقيعالار قاي ەلدە، قاي قالادا بولعانى ايتىلماعان. ال، الماتىدا تۇماۋ سالدارىنان قايتىس بولۋعا بايلانىستى ەشقانداي وقيعا تىركەلگەن جوق» - دەدى ول.

ايتا كەتەلىك، الماتىدا ەپيدەميولوگيالىق ماۋسىم باستالعالى بەرى 43 مىڭنان استام ادام جەدەل رەسپيراتورلىق- ۆيرۋستىق ينفەكسيانى جۇقتىرعان. بۇل، بۇعان دەيىنگى ماۋسىممەن سالىستىرعاندا - 7 پايىزعا جوعارى.

سونداي- اق، الماتىدا 2015 -جىلدىڭ قازان- قاراشا ايلارىندا 165 مىڭنان استام ادام تۇماۋعا قارسى ەگۋ جاسادى.

مامانداردىڭ ايتۋىنشا، جەدەل رەسپيراتورلىق- ۆيرۋستىق ينفەكتسياعا بارىنشا كوپ شالدىعۋ كەزەڭى وسى قاڭتار ايىنىڭ اياعىنا تۋرا كەلەدى. وسىعان بايلانىستى دارىگەرلەر ادامدارعا ءدال وسى كەزەڭدە كوپشىلىك ورىندارعا بارا بەرمەۋ كەرەكتىگىن ەسكەرتەدى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى