الەمدەگى ءىرى مۇناي كومپانياسى 10 تريلليون دوللارعا باعالاندى

تاۋەلسىز مۇناي تالداماشىسى مۇحاممەد ءال-ساببان وسىنداي باعانى كەلتىردى، ول بۇرىن ساۋدتىق مۇناي مينيسترلىگىندە اعا كەڭەسشى بولىپ جۇمىس جاساعان، دەپ حابارلادى ر ب ك Wall Street Journal باسىلىمىنا سىلتەمە جاساپ.

Saudi Aramco ءتوراعاسى حاليد ال-فاليح كومپانيادا ازىرگە ءالى دە ءبىرقاتار ۋاقىتقا سوزىلاتىن زەرتتەۋ جۇرگىزىپ جاتقانىن ايتتى.

Saudi Aramco الەمنىڭ ءىرى مۇناي كومپانيالارىنىڭ ءبىرى. ساۋد ارابياسى ونىڭ اكسيالارىن (IPO) العاشقى ورنالاستىرۋدى جۇرگىزۋ مۇمكىندىگىن قاراستىرۋدا، دەپ حابارلادى ساۋد ارابياسىنىڭ ەكىنشى مۇراگەر-حانزاداسى مۇحاممەد بەن سالمان ءال-ساۋد.

اكسيالاردى ورنالاستىرۋ تۋرالى شەشىم بىرنەشە ايلاردىڭ ىشىندە قابىلدانادى، دەپ اتاپ كورسەتتى ول. ونىڭ ايتۋىنشا، كومپانيانىڭ (IPO) - عا شىعۋى ونى نەعۇرلىم اشىق ەتەدى.

قازىر Saudi Aramco ءوزىنىڭ كىرىستەرى تۋرالى اقپاراتتى جاريالامايدى.

The Economist جۋرنالى ءسوزىن كەلتىرگەن ساۋد شەنەۋنىكتەرى ونى تريلليونداعان دوللارعا باعالاپ وتىر. WSJ ساراپشىلار مەن ينسايدارلەرگە سىتلەمە جاساپ، كومپانيا شىن مانىندە «مەملەكەتتىك ساياساتتىڭ قۇرالى» بولىپ وتىرعانىن اتاپ وتەدى، ال ونىڭ رەزەرۆتەرى تۋرالى مالىمەتتەر مەملەكەتتىك قۇپياعا تەڭەسترىلەدى.

ساۋد ارابياسى مۇنايعا باعانىڭ قۇلدىراۋى جانە يرانمەن قاتىناستاردىڭ شيەلەنىسۋى جاعدايىندا ەل بيۋدجەتىن تەڭدەستىرۋگە تىرىسۋدا. ولار 2016-جىلدىڭ باسىندا ساۋد ارابياسىندا 47 ادامدى، سونىڭ ىشىندە ءشيىت ۋاعىزشىسىن ولتىرگەننەن كەيىن شيەلەنىستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى