قازاقستان عارىشتىق جوعارى كورسەتكىشتى تەحنولوگيالاردى يگەرگەن 10 ەلدىڭ قاتارىنا ەندى - فوتو

بۇل تۋرالى بۇگىن استانادا «قازاقستانداعى عارىش كۇندەرى-2015» حالىقارالىق سەميناردا ق ر ينۆەستيتسيالار جانە دامۋ ءمينيسترى اسەت يسەكەشيەۆ ءمالىم ەتتى.

«عارىش سالاسى ەلىمىز ءۇشىن وتە ماڭىزدى سالا. بۇكىل الەم عارىشتى يگەرۋگە تىرىسادى. بۇل بولاشاقتا عىلىمي-تەحنيكالىق پروگرەسس ءۇشىن زور پايدا بەرەدى. سوندىقتان ونىڭ قازاقستاننىڭ كەلەشەگى ءۇشىن اسا ماڭىزدى»، - دەپ اتاپ ءوتتى مينيستر.

«سوڭعى جىلدارى بىزدە ءوزىمىزدىڭ وتاندىق سپۋتنيگىمىز پايدا بولدى. بىزدە 4 جەرسەرىگى بار. قازىر ءبىز الەمدە عارىش تەحنولوگيالارىن يگەرگەن 30 ەلدىڭ قاتارىندامىز. جوعارى كورسەتكىشتى تەحنولوگيالار بويىنشا ءبىز 10 ەلدىڭ قاتارىنا ەندىك. جەرسەرىكتەرىنىڭ قۇرىلىسىمەن قاتار، بىزدە مامانداردى دايارلاۋ ىسىندە دە كوپ جەتىستىكتەر بار. بىزدە قازىر عارىش كوميتەتىندە شامامەن 1300 دەن استام قىزمەتكەر جۇمىس ىستەۋدە. ونىڭ ىشىندە 500 عالىم، 130 ادام شەتەلدە وقىعان جوعارى كاسىبي دەڭگەيلى ينجەنەرلەر بار. قازاقستاندا 4 ۋنيۆەرسيتەتتە عارىش ماماندارىن دايارلاۋ بويىنشا جۇمىستاردى جاساۋدامىز»، - دەدى ءا. يسەكەشيەۆ.

ونىڭ اتاپ وتكەنىندەي، عارىش سالاسىنداعى زەرتتەۋلەر اۋىل شارۋاشىلىعىنا، كولىك سالاسىنا، ەكولوگياعا جانە باسقا دا كوپتەگەن سەكتورلاردىڭ دامۋىنا وتە قاجەت. قازىرگى ۋاقىتتا عارىش تەحنولوگيالارى ەكولوگيالىق باعدارلامالاردى جاساقتاۋعا قولدانىپ جاتىر. وسى ىسپەتتەس بىرلەسكەن جوبالار جاقىن ارادا ارتا بەرمەك.

ايتا كەتكەن ءجون، اتالمىش حالىقارالىق سەمينارعا الەمنىڭ 20 دان استام ەلىنەن دەلەگاتتار قاتىسۋدا. اتاپ ايتقاندا، فرانسيا، ا ق ش، يزرايل، ۇلى بريتانيا، شۆەيتساريا، يسپانيا، نورۆەگيا، نيدەرلاند, جاپونيا، كانادا، ەگيپەت، وڭتۇستىك افريكا، كورەيا، قىتاي، يران، رەسەي، ۋكراينا، بەلارۋس ەلدەرىنەن 350 دەن استام مامان كەلىپ وتىر.

سەميناردى ق ر ينۆەستيتسيالار جانە دامۋ مينيسترلىگى اەروعارىش كوميتەتى مەن «قازاقستان عارىش ساپارى» ۇلتتىق كومپانياسى» ا ق ۇيىمداستىردى.

 

 

 

 

 

 

 

 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى