ا. ءسارىنجىپوۆ 10 ۇزدىك ماگيسترانتقا نازاربايەۆ ستيپەندياسىن تابىس ەتتى

«ءبىز بۇگىن قازاقستان ءۇشىن اتاۋلى كۇن، ق ر تۇڭعىش پرەزيدەنتى كۇنىنىڭ قارساڭىندا جينالىپ وتىرمىز. وزدەرىڭىز بايقاۋعا قاتىسىپ، عىلىمي-زەرتتەۋ جۇمىستارىمەن اينالىسىپ، يدەيالارىڭىزدى قازاقستاننىڭ دامۋىنا جاراتقىلارىڭىز كەلىپ، بۇگىن وسىندا كەلىپ وتىرسىزدار. سوندىقتان دا مەن سىزدەردى شىن جۇرەكتەن قۇتتىقتايمىن»، - دەپ اتاپ ءوتتى مينيستر.

ا. ءسارىنجىپوۆتىڭ سوزىنە قاراعاندا، ەلىمىزدە مەملەكەت باسشىسىنىڭ ساياساتى ارقاسىندا قازىر جاستارعا بارلىق مۇمكىنشىلىكتەر جاسالعان.

«ەندى ج و و- دا وقيمىن دەسەڭ، جىل سايىن بىزدە 150 مىڭنان استام گرانت بولىنەدى. شەتەلدە ءبىلىم الام دەسەڭ، «بولاشاق» باعدارلاماسى ارقىلى شەتەلدە ەڭ ۇزدىك ۋنيۆەرسيتەتتەرگە بارىپ ءبىلىم الا الاسىزدار. ونەرمەن اينالىسام دەسەڭىز، بىزدە جاڭا تەاترلار، جاڭا ساحنالار اشىلۋدا. سپورتپەن شۇعىلدانام دەسەڭىز، جاڭا ستاديوندار اشىلۋدا. قاراپ وتىرساڭىزدار، قازاقستاندا بارلىق مۇمكىنشىلىكتەر بار. ول ءۇشىن تەك جاقسى وقۋ كەرەك، جۇمىس ىستەۋ كەرەك. شارشاماي وسى ۇلەسىمىزدى قازاقستاننىڭ دامۋىنا قوسۋ قاجەت»، - دەيدى ول.

ايتا كەتەيىك، ن. نازاربايەۆ اتىنداعى ستيپەنديا 2011-جىلدان بەرى جىل سايىن ەكىنشى كۋرس ماگيسترانتتارىنا بەرىلەدى. بيىل بايقاۋعا 46 ماگيسترانت قاتىستى، سولاردىڭ ىشىنەن ەڭ ۇزدىك دەپ تانىلعان ءار ءوڭىردىڭ 10 ماگيسترانتىنا ستيپەنديا تاعايىندالدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى