اتاقتى «اباي» وپەراسىنىڭ ءۇشىنشى تۇساۋكەسەرلىك سپەكتاكلى 10 -قازاندا وتەدى

تۇساۋكەسەر قوعامنىڭ ۇلكەن قىزىعۋشىلىعىن تۋدىردى، دەپ حابارلادى www.24.kz.

ەكى كۇن ىشىندە ەلوردالىق «استانا وپەرا» تەاترىندا 2500 كورەرمەن بولدى. ولاردىڭ قاتارىندا استانالىق تۇرعىندار مەن قوناقتار، سونداي-اق مۋزىكاتانۋشىلار، مۋزىكا سىنشىلارى مەن «اباي» وپەراسىن تەك شىعارما رەتىندە ەمەس، ونى ءومىردىڭ ءبىر بولىگى دەپ قابىلدايتىندار دا بار.

10 -قازاندا تىڭدارمان تاماشالايتىن باستى ورىنداۋشىلار قۇرامىندا: اباي - قازاقستاننىڭ ەڭبەك سىڭىرگەن قايراتكەرى تالعات مۇسابايەۆ؛ اجار - قازاقستاننىڭ ەڭبەك سىڭىرگەن قايراتكەرى ايگۇل نيازوۆا، ءارتىس ءۇشىن بۇل دەبيۋت بولماق؛ ايدار - قازاقستاننىڭ ەڭبەك سىڭىرگەن قايراتكەرى جان ءتاپين، جيرەنشە - ەۆگەني چاينيكوۆ، ءازىم - رامزات بالاقىشيەۆ، كوكپاي - تالعات عالەيەۆ، قارلىعاش - تاتيانا ۆيتسينسكايا. اتالعان سپەكتاكلدە العاش رەت ونەر كورسەتىپ، سىرتتاننىڭ پارتياسىن ورىندايتىن تاعى ءبىر ءارتىس - ارمەنيانىڭ حالىق ءارتىسى بارسەگ تۋمانيان، نارىمبەت - ەرۇلان كامەل، مەس - نۇرلىبەك قوسبارماقوۆ.

ديريجەرلىك تىزگىندە - ق ر ەڭبەك سىڭىرگەن قايراتكەرى، «استانا وپەرا» باس ديريجەرى الان بورىبايەۆ. بۇل تۋرالى «استانا وپەرا» تەاترىنىڭ باسپا ءسوز قىزمەتى مالىمدەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى