ماسكەۋدە 10 جىل جوندەۋدەن وتكەن ەۋروپاداعى ءىرى مەشىت اشىلادى
دەپ حابارلادى ت ا س س.
مەشىتتىڭ اشىلۋ ءراسىمى بىرنەشە باسقا مەملەكەتتەر باسشىلارىنىڭ قاتىسۋىمەن وتەدى. رەسەي مۇفتيلەر كەڭەسىنىڭ ءتوراعاسى رافيل گاينۋتدين ءوز رەزيدەنسياسىندا تۇركيا پرەزيدەنتى رەجەپ ەردوعاندى، پالەستينا پرەزيدەنتى ماحمۋد ابباس، قازاقستان پرەزيدەنتى نۇرسۇلتان نازاربايەۆ، سونداي- اق شەشەن رەسپۋبليكاسىنىڭ باسشىسى رامازان قادىروۆ، تاتارستان رەسپۋبليكاسىنىڭ باسشىسى رۋستام ميننيحانوۆتى قابىلداۋعا ازىرلەنۋدە.
مەشىتتى اشۋ باستاپقىدا 2016 - جىلعى مامىر ايىنا جوسپارلانعان. الايدا ۇلى جەڭىستىڭ 70 جىلدىعىن مەرەكەلەۋ جىلىنداعى ءراسىمدى وتكىزۋگە ۇلگەرۋ ءۇشىن جۇمىستاردى جەدەلدەتۋ قاجەت بولدى. «بۇل 111 جىلدان بەرى ەسىگى جابىلماي، قىزمەت ەتىپ كەلە جاتقان مەشىت، ونى جاڭارتۋىمىز ءبىزدىڭ ارداگەرلەرگە، وتان قورعاۋشىلارىمىزعا دەگەن قۇرمەت دەپ بىلەمىن»، - دەدى سۇحباتىندا رەسەي مۇفتيلەر كەڭەسىنىڭ ءتوراعاسى راۆيل گاينۋتدين.
ماسكەۋ سوبور مەشىتى 1904 - جىلى سالىنعان. كەڭەس كەزەڭىندە ول جابىلماي، استانادا قىزمەتىن جالعاستىرعان جالعىز مەشىت بولاتىن. اپاتتى دەپ تانىلعان مەشىتتىڭ جوندەۋ جۇمىستارى 2005 - جىلى باستالعان، شاتىرى كەز كەلگەن ۋاقىتتا قۇلاپ قالۋى مۇمكىن ەدى، ياعني «قۇلشىلىق ەتۋشىلەردى مەشىتتە قابىلداۋ قاۋىپتى بولدى»، دەپ مالىمدەدى ت ا س س تىلشىسىنە گاينۋتدين.
ەندى مەشىتتە ءبىر ۋاقىتتا 10 مىڭ ادام ناماز وقي الادى. الايدا بۇل مۇسىلمانداردىڭ مەشىت ماڭىندا ءماجبۇرلى قۇلشىلىق ەتۋ ماسەلەسىن شەشپەيدى، سەبەبى قالادا 2 ملن جۋىق مۇسىلمان بار. ال مەشىت نە ءبارى التاۋ عانا.
جوبانى ىسكە اسىرۋعا 170 ملن. دوللار جۇمسالدى. قاراجاتتىڭ باسىم بولىگى - قاراپايىم قۇلشىلىق ەتۋشىلەردىڭ قايىرىمدىلىق كومەگىمەن جينالدى. كاسىپكەر سۋلەيمان كەرىموۆ دەمەۋشىلىك كورسەتتى. تۇركيا پرەزيدەنتى ەسىك، اسپاشام، كىلەمدەر سىيعا تارتتى. بۇدان باسقا، تۇرىك شەبەرلەرى ديزاين، ارلەۋ جۇمىستارىن وتەۋسىز ورىنداپ بەردى.
مەشىتتىڭ اشىلۋىنا رەسەي مۇفتيلەر كەڭەسى مىڭداعان قايىرىمدىلىق جاساۋشىلاردىڭ ەسىمدەرى جازىلعان التىن كىتاپتى جارىققا شىعاردى.
