قىرعىزدار جەمقور شەنەۋنىكتەردى مەملەكەتتىك قىزمەتتە 10 جىل بويى جۇمىس ىستەۋ قۇقىعىنان ايىرماق
بۇل تۋرالى بۇگىن ەلدىڭ پرەمەر-ءمينيسترى تەمىر ساريەۆتىڭ قاتىسۋىمەن وتكەن قىرعىزستان ۇكىمەتى جانىنداعى سىبايلاس جەمقورلىققا قارسى كۇرەس كەڭەسىنىڭ ءبىرىنشى كەڭەيتىلگەن وتىرىسىندا قىرعىزستان ۇكىمەتى اپپاراتىنىڭ سىبايلاس جەمقورلىققا قارسى كۇرەس ءىس- شارالار مونيتورينگى ءبولىمىنىڭ مەڭگەرۋشىسى تىلەك ساياقبايەۆ مالىمدەدى.
«28 -تامىزدا جەمقورلىققا قارسى ءىس- شارالاردى ىسكە اسىرۋ بويىنشا ءبىرىنشى جارتىجىلدىقتىڭ قورىتىندىلارى قاراستىرىلعان ۇكىمەت وتىرىسى بولىپ ءوتتى. وتىرىس كەزىندە پرەمەر- مينيستر كوررۋپتسيوگەندىك قىزمەتتەر ءتىزىمىن انىقتاۋ تاپسىرماسىن بەردى. سونداي-اق باس پروكۋراتۋرا مەملەكەتتىك كادرلىق قىزمەتىمەن بىرلەسىپ، سىبايلاس قۇقىق بۇزۋشىلىقتارعا قاتىسى بار تۇلعالاردى مەملەكەتتىك قىزمەتتە 10 جىل بويى جۇمىس ىستەۋ قۇقىعىنان ايىرۋ ماسەلەسىن قاراستىرىپ وتىر»، - دەدى ول.
ونىڭ ايتۋىنشا، قازىرگى ۋاقىتتا مەملەكەتتىك كادرلىق قىزمەت جەمقورلىق قىلمىستارىنا قاتىسى بار شەنەۋنىكتەردىڭ قارا ءتىزىمى جاسالۋدا.
«بۇل ءتىزىم قايتا- قايتا تولىقتىرىلىپ وتىر، قازىرگى كەزدە وندا 172 مەملەكەتتىك قىزمەتكەردىڭ ەسىمى جازىلعان»، - دەپ اتاپ ءوتتى ت. ساياقبايەۆ.
