توقالعا تالاسقان بيزنەسمەن قايرات جاماليەۆ 10 جىلعا سوتتالۋى مۇمكىن

بۇل تۋرالى ك ت ك تەلەارناسى حابارلادى.

«پروكۋرور سۋديادان 45 جاستاعى استانالىق كاسىپكەرگە وسىنداي جازا كەسۋدى سۇرادى»، - دەلىنگەن ارنا حابارلاماسىندا.

مەملەكەتتىك ايىپتاۋشى سونىمەن قاتار، جاماليەۆتىڭ بار مۇلكىن تاركىلەۋدى تالاپ ەتكەن. كاسىپكەردىڭ استانادا ءىرى قۇرىلىس كومپانيالارى مەن قىمبات رەستوران جەلىلەرى بار.

پروكۋرور بيزنەسمەننىڭ سىبايلاستارى ارمان ابىلتايەۆقا - 8، اناتولي پريبىتكوۆقا 7 جىل جازا كەسۋدى سۇرادى.

جالپى، «توقال ىسىنە» قاتىستى پروتسەس جابىق ءوتىپ جاتىر. كۋاگەرلەردىڭ تولىق تەرگەلىپ، قاتىسۋشىلاردىڭ بارلىعى ىسپەن تانىسىپ شىققان. سوندىقتان ۇكىم شىعاتىن كۇن دە الىس ەمەس.

ايتا كەتۋىمىز كەرەك، باستاپقىدا جاماليەۆ توقالىنا كوز سالعان 24 جاستاعى ءالىبي جۇماعۇلوۆتى اياۋسىز ۇرىپ-سوققانى ءۇشىن قامالعان ەدى. كەيىن تىڭ دەرەكتەر شىعىپ، «ءىرى كولەمدە اقشا بوپسالادى»، «ادامدى زاڭسىز قاماۋدا ۇستادى»، «كۇشپەن جىنىستىق قاتىناسقا ماجبۇرلەدى» دەگەن باپتار نەگىزىندە ءۇش بىردەي قىلمىستىق ءىس قوزعالدى. الايدا، بيزنەسمەن وزىنە تاعىلعان ايىپتاردىڭ ەشقايسىسىن مويىنداعان جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى