قىتاي مەن ەۋروپا اراسىنداعى جۇكتەردىڭ 10 ميلليون تونناسى قازاقستاندىق ماگيسترالدار ارقىلى وتەدى - ە. قارين
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا قازاقستاننىڭ ستراتەگيالىق زەرتتەۋلەر ينستيتۋتىنىڭ باسشىسى ەرلان كارين ءمالىم ەتتى.
"ەلىمىزدىڭ كولىكتىك- ترانزيتتىك ستراتەگياسىنىڭ باستى ماقساتى - قازاقستاندى ەۋرازيانىڭ قۋاتتى ترانزيتتىك حابىنا اينالدىرۋ. زەرتتەۋلەر بويىنشا، 2020 - جىلعا قاراي قىتاي مەن ەۋروپا اراسىنداعى ساۋدا اينالىمى 800 ميلليارد دوللاردان 1 تريلليون دوللارعا دەيىن جەتۋى ىقتيمال. ءبىزدىڭ مىندەتىمىز وسى جۇكتەردىڭ نەگىزگى بولىگىنىڭ، ءبىزدىڭ ۇلتتىق مۇددەلەرىمىزگە پايدالى بولاتىن ۇلەسىنىڭ قازاقستان اۋماعى ارقىلى تاسىمالدانۋىن قامتاماسىز ەتۋ"، - دەيدى ول.
ونىڭ سوزىنە قاراعاندا، 2020 - جىلى ەۋروپا مەن قىتاي اراسىنداعى ساۋدا تاۋارلارىنىڭ 10 پايىزى اۆتوموبيل جانە تەمىرجول ماگيسترالدارى ارقىلى ترانزيتتەلمەك. قازىرگى ونىڭ ۇلەسى تەك 1-2 پايىز شاماسىندا.
"سوندىقتان ءبىز قىتايمەن قۇرلىقتىق كولىكتىك دالىزدەردى سالۋعا مۇددەلىمىز. ق ح ر مەن ەۋرووداق اراسىنداعى جۇك تاسىمالى 117 ميلليون توننادان 170 ميلليون تونناعا دەيىن ارتپاق. قازاقستان 2020 - جىلى ترانس قازاقستاندىق باعىتقا شامامەن ونىڭ 10 ميلليون تونناسىن تارتۋدى جوسپارلاۋدا. وسى ماقساتتا ۇلتتىق ءبىزدىڭ ەلدى كولىكتىك- ترانزيتتىك جۇيەنىڭ دامۋىنا 40 ميلليارد دوللار كاپيتال تارتىلادى"، - دەپ اتاپ ءوتتى ە. قارين.
ينستيتۋت باسشىسىنىڭ اتاپ كورسەتكەنىندەي، ودان ۇلكەن الەۋمەتتىك سەرپىن بولادى.
"مامانداردىڭ باعالاۋى بويىنشا، كولىكتىك ينفراقۇرىلىمعا بولىنگەن 1 ميلليارد دوللار 20 مىڭ جاڭا جۇمىس ورنىن اشپاق. ەنشىلەس سالالاردا قوسىمشا 11 مىڭ جۇمىس ورنى قۇرىلادى. ءبىز ۇلتتىق ەكونوميكامىزدىڭ الەۋەتىن ارتتىرۋ ارقىلى قاتپارلى الەۋمەتتىك ماسەلەلەردى شەشۋگە دە جول اشامىز"، - دەپ ءتۇيدى ويىن ە. قارين.
اۆتور: جاسۇلان جولدىبايەۆ
