اقشاسىندا ايەل ادام بەينەلەنگەن 10 ەل
سيريانىڭ ەسىمى بۇگىندە ازاماتتىق سوعىس پەن «يسلام مەملەكەتىنىڭ» سودىرلارى ارقىلى الەمگە ايگىلى بولعانىمەن، ونىڭ اقشاسىندا ايەل بەينەسى تاڭبالانعان بىردەن ءبىر مەملەكەت ەكەنىن ەكىنىڭ ءبىرى بىلە بەرمەيدى. 500 فۋنتتىق قاعاز اقشادان حانشايىم زەنوبيانى كەزىكتىرۋگە بولادى.
فيليپپيننىڭ 500 پەسولىق كۋپيۋراسىندا 1980 -جىلداردىڭ ورتاسىنا قاراي كەزىندە سەناتور، ۆيتسە- پرەزيدەنت بولعان بەنيگنو اكينونىڭ بەنەسى ەنگىزىلدى. كەيىن ەلدىڭ پرەزيدەنتى ءارى ازياداعى تۇڭعىش ايەل پرەزيدەنت اتانعان كوراسون اكينو دا كوپ ۇزاماي وتاعاسىنىڭ قاسىنان ءوز ورنىن تاۋىپتى.
تۇركيانىڭ 50 ليراسىنداعى ايەل ادامىنىڭ ەسىمى فاتما الييە توپۋز. ول انادولى جەرىنەن شىققان رومانتيك جازۋشى جانە ايەلدەر قۇقىعى جولىنداعى كۇرەسكەر تۇلعا رەتىندە تانىمال.
مەكسيكالىق 500 پەسو بانكنوتىنان اتاقتى اقىلگوي، قىلقالام شەبەرى ديەگو ريۆەرانى تاپساڭىز، اقشانىڭ ارتقى بەتىندە ونىڭ ايەلى، ايگىلى سۋرەتشى فريدا كالونىڭ بەينەسىن كورەسىز.
ارگەنتينانىڭ 100 پەسولىق ۆاليۋتاسىندا ەلدىڭ بۇرىنعى ءبىرىنشى حانىمى ەۆا پەرون بەينەلەنگەن. بۇل مەملەكەتتىڭ سونداي-اق 20 پەسو بانكنوتىنان دا ارۋعا ورىن تابىلعان.
جاڭا زەلانديا بۇرىنعى بريتانيا وتارى بولعاندىقتان ەلدىڭ 20 دوللارلىق ۆاليۋتاسىندا حانشايىم ەليزاۆەتا Ⅱبەينەلەنىپ كەلدى. كەيىن 1893 -جىلى جاڭا زەلاندياداعى گەندەرلىك تەڭدىكتى ورناتۋعا كوپ كومەگى تيگەن قايراتكەر ايەل كەيت شەپپارد 10 دوللارلىق بانكنوتتان ويىپ تۇرىپ ورنىن تاپتى.
يزرايل ۇلتتىق بانكى تاياۋ ۋاقىتتارى ەلدىڭ 20 جانە 100 شەكەلدىك بانكنوتتارىنا اقىن- جازۋشىلاردان تۇراتىن 2 ايەل ادامىنىڭ بەينەسى تاڭبالاناتىنىن جاريالاعان. ونىڭ ءبىرى راحەل بلۋۆشتەين بولسا، ەكىنشىسى لەا گولدبەرگ.
شۆەتسيانىڭ باقانداي 20, 50, 100 جانە 500 كرونالارىنان نازىك جاندىلارعا ورىن بەرىلگەن. ولاردىڭ قاتارىنان نوبەل سىيلىعىنىڭ يەگەرى، وپەرا ءانشسى، ءتىپتى كينو جۇلدىزىنىڭ دا بەينەسىن كەزىكتىرەسىز.
اۆستراليا ەلى دە حانشايىم ەليزاۆەتاII دەن باستاپ، جازۋشى، ءانشى، ىسكەر ايەل مەن الەۋمەتتىك جۇمىسكەرگە دەيىن ۆاليۋتا تورىنەن ورىن ارناعان. ولاردى 5, 10, 20, 50, 100 دوللارلىق كۋپيۋرالاردان كورۋگە بولادى.
انگليانىڭ ۇلتتىق بانكى ءتول ۆاليۋتاسىنا 1960 -جىلدان بەرى ەليزاۆەتا IIنىڭ بەينەسىن ەنگىزۋ قۇقىعىن جەڭىپ الدى. سونداي-اق 5 فۋنتتىق كۋپيۋرادان الەۋمەتتىك رەفورماتور ەليزۆاەت فراۋدى، ال 10 فۋنتتان دجەين وستيندى تاباسىز.
www.24.kz
