شىنجاڭ ولكەسى قابا اۋدانىنداعى ۇڭگىردەن 10 مىڭ جىل بۇرىن سالىنعان زىمىراننىڭ سۋرەتى تابىلدى
بۇل تۋرالى news.qq.com اقپاراتتىق سايتى حابارلاپ وتىر.
جەرگىلىكتى ارحەولوگتار تاياۋدا بۇل جەردە زەرتتەۋلەر جۇرگىزگەن بولاتىن. سول كەزدە ءتۇرلى ۋاقىت كەزەڭدەرىنە جاتاتىن تاڭبالار تابىلعان ەدى.
بۇگىندە عالىمداردى زىمىرانعا ۇقساس سۋرەتتەر قىزىقتىرىپ وتىر. بولجام بويىنشا، تاستاعى تاڭبالار وسىدان 10 مىڭ جىل بۇرىن سالىنعان. عالىمداردىڭ ايتۋىنشا، ۇڭگىردەگى باسقا دا بەلگىلەرگە قاراپ، مۇنى كوشپەلى مال شارۋاشىلىعىنا قاتىسى بار ادامداردىڭ سالعانىن اڭعارۋ قيىن ەمەس.
قابا اۋدانىنىڭ بايىرعى تۇرعىندارى كەرەيلەر بۇل ورىنداردى «اشىق اسپان استىنداعى مۋزەي» اتاپ كەتكەن. جالپى بۇل ايماقتان 893 پيكتوگرافيالىق سۋرەت تابىلعان بولاتىن.
www.24.kz
