الماتىدا كولىگىنىڭ ۇستىنە قىزدى شىعارىپ العان جۇرگىزۋشىگە 10 مىڭ تەڭگە ايىپپۇل سالىندى
جىگىت Subaru اۆتوموبيلىنىڭ ۇستىنە قىزدى مىنگىزىپ العانى كورىنگەن ۆيدەو ينتەرنەتكە جۇكتەلدى.
«Subaru اۆتوكولىگىنىڭ 1994 -جىلعى جۇرگىزۋشىسى ق ر اكىمشىلىك قۇقىقبۇزۋشىلىقتار كودەكسىنىڭ «جولاۋشىلاردى تاسىمالداۋ ەرەجەلەرىن بۇزۋ» بابى بويىنشا اكىمشىلىك جاۋاپكەرشىلىككە تارتىلدى، وعان 5 ا ە ك (شامامەن 10000 تەڭگە - اۆت.) كولەمىندە ايىپپۇل سالىندى»، - دەپ حابارلادى ازىربەك.
ايتا كەتەيىك، كولىك ۇستىنە شىعىپ العان قىزعا جازا بەرىلمەدى.
ەسكە سالايىق، جەلىدە جاستاردىڭ اۆتوموبيل ۇستىنە شىعىپ العانى بەينەلەنگەن ۆيدەونىڭ جاريالانعانى حابارلانعان بولاتىن. ۆيدەونىڭ سيپاتتاماسىندا اۆتور «وتكەن سەنبى كۇنى ابىلايحان داڭعىلىندا تۇسىرىلگەن ۆيدەودان اۆتوكولىگى بار كەيبىر جۇرگىزۋشىلەردىڭ ءوز اۆتولارىنىڭ ارتىنا نە ءۇشىن «سپويلەر» ورناتىپ الاتىنى بەلگىلى» دەپ جازعان.
بۇدان كەيىن الماتى پوليتسەيلەرىنىڭ كولىك ۇستىنە قىزدى شىعارىپ الىپ جۇرگەن Subaru كولىگىنىڭ جۇرگىزۋشىسىنە ايىپپۇل سالاتىنى حابارلاندى.
