قىتاي قورعانىس سالاسىنا بولەتىن قارجىنى 10 پايىزعا ارتتىردى
كەزەكتى سەسسيادا پرەمەر لي كىشياڭ وتكەن جىلعا ەسەپ بەردى. شارا 15- ناۋرىزعاجالعاسادى. سوڭىنا قاراي قىتايدىڭ الداعى بەس جىلعا ارنالعان دامۋ جوسپارى ماقۇلدانادى. جۋرناليستەردى بۇل سەسسيادا نەگىزىنەن قىتاي ۇكىمەتىنىڭ باسشىسى لي كىشياڭنىڭ بايانداماسى قىزىقتىردى. ويتكەنى پرەمەر وتكەن جىلى اتقارعان جۇمىسى جونىندە ەسەپ بەرىپ، الداعى جوسپارىمەن بولىسەدى.
سونىمەن ادەتتەگىدەي ەڭ ءبىرىنشى قىتايلىقتاردىڭ الەۋمەتتىك جاعدايىن جاقسارتۋ، ينفلياتسيا دەڭگەيىن %4 دان اسىرماي ۇستاپ تۇرۋ جانە ەلدەگى جەمقورلىقپەن كۇرەستى جالعاستىرۋ باعىتىنداعى ۇراندار تاستالدى.
ۇكىمەتتىڭ بيىل بەلگىلەگەن مەجەسى بويىنشا قىتاي ەكونوميكاسىنىڭ ءوسىمى %7 دان كەم بولماۋى ءتيىس. بۇل كورسەتكىش بۇعان دەيىنگى قىتاي ۇكىمەتى جوسپارلاعان وسىمنەن اناعۇرلىم تومەن جانە الەمدەگى ءىرى ەكىنشى ەكونوميكا دامۋىنىڭ باياۋلاعانىن كورسەتەدى.
بەيجىڭ بيلىگى بۇرىنعىداي قارقىندى دامۋ جولىن ەمەس، ءبىرقالىپتى، ساپالى باعىتتى ۇستانامىز، - دەيدى. ءبىراق سوڭعى 25 جىل ىشىندە %7 دىق مەجەنى قىتاي ءبىرىنشى رەت بەلگىلەپ وتىر. تەك ءۇش ايدىڭ ىشىندە قىتايدىڭ ورتالىق بانكى ەكونوميكانى جانداندىرۋ ءۇشىن پايىزدىق مولشەرلەمەنى ەكى رەت ءتۇسىردى. بۇل - بۇكىل الەمدىك داعدارىستىڭ بەلگىسى.
لي كىشياڭ، ق ح ر مەملەكەتتىك كەڭەسىنىڭ پرەمەرى:
- ءبىزدىڭ مۇمكىندىكتەرىمىزدى ەسەپتەي كەلە، بيىل ەكونوميكا ءوسىمى %7 بولادى دەپ بولجايمىن. بۇل جاعدايدى ورتاشا الەۋمەت قالىپتاستىرۋعا، ەكونوميكا كولەمىن ارتتىرۋعا ونىڭ قۇرىلىمىن جاڭارتۋعا، ءبىزدىڭ دامۋىمىزعا ساي بولادى.
قالالاردا 10 ميلليونعا جۋىق جاڭا جۇمىس ورىنى اشىلادى. سونىمەن سەسسيادا دەپۋتاتتار باسقارۋشى قىتاي كوممۋنيستىك پارتياسىنىڭ ەكونوميكالىق رەفورمالاردى جەدەلەتۋ تۋرالى جوسپارىن قولدادى.
رەسمي بەيجىڭ سىرتقى ساياساتتاعى قارىم-قاتىناسقا ەرەكشە كوڭىل ءبولىپ، ۇلكەن تابىستارعا جەتكەنىن اتاپ ءوتتى. ءبىراق قىتاي قاۋىپسىزدىك ماسەلەسىنە بەي-جاي قاراي المايدى. بيىل قورعانىسقا بولىنەتىن قارجىنى 10 پايىزعا كوبەيتۋدى جوسپارلايدى. وسىلايشا بۇل ەل ا ق ش- تان كەيىن قورعانىس سالاسىنا ەڭ كوپ قارجى قۇيىپ وتىر.
فۋ ين، بۇكىل قىتايلىق حالىق وكىلدەرى سەسسياسىنىڭ رەسمي وكىلى:
- ءبىز مەملەكەت قاۋىپسىزدىگىن ءبىرىنشى ورىنعا قويامىز. اسكەرىمىزدى قامتاماسىز ەتۋ ارقىلى، حالىقىمىزدىڭ بەيبىت ءومىر ءسۇرۋىن ساقتاۋىمىز كەرەك. بىلتىر ءبىزدىڭ بۇل سالاعا بولگەن قارجى %12,2 عا ارتتى. ەكى اپتاعا سوزىلاتىن سەسسيا بارىسىندا بۇدان بولەك شاعىن بيزنەستى قولداۋ، اۋىلدى جەرلەردى دامىتۋ، الەۋمەتتىك تۇراقتىلىق ماسەلەلەرى دە قارالادى.
سەسسياعا ەلدىڭ تۇكپىر تۇكپىرىنەن كەلگەن بۇكىل قىتايلىق حالىق دەپۋتاتتارى كەڭەسىنىڭ 3 مىڭعا جۋىق دەلەگاتى قاتىسۋدا. ادەتتە قۇجىناعان حالىق كوپ تيانانمىن الاڭى دا بۇگىندە بوس، تەك سۋرەتكە ءتۇسىپ ءماز بولعان دەلەگاتتار ءجۇر.
اۆتورلارى: نۇربەك بەكەن، جاڭ ءسۇي
www.24.kz
