پۋتين ءوزىنىڭ، مەدۆەديەۆتىڭ جانە مينيسترلەردىڭ جالاقىسىن 10 پايىزعا قىسقارتتى

وسىلايشا ەل پرەزيدەنتى مەن مينيسترلەرى 1 - ناۋرىزدان باستاپ 2015 - جىلدىڭ 31 - جەلتوقسانىنا دەيىن قىسقارتىلعان جالاقى الاتىن بولادى.

پرەزيدەنتتىڭ جارلىعى وزىنە، پرەمەر- مينيسترگە جانە مينيسترلەر مەن ولاردىڭ ورىنباسارلارىنا، ورتالىق سايلاۋ كوميسسياسىنىڭ، قۇقىق قورعاۋ ورگاندارىنىڭ باسشىلارىنا جانە وزگە دە مەملەكەتتىك ورگان جەتەكشىلەرىنە قاتىستى.

سونىمەن قاتار، اتالعان جارلىقتان وزگە تاعى جەكەلەگەن جارلىقتارعا دا ۆلاديمير پۋتين قول قويدى. جاڭا قۇجاتقا سايكەس، پرەزيدەنت اكىمشىلىگى جانە ۇكىمەت اپپاراتى قىزمەتكەرلەرىنىڭ جالاقىسى قىسقارادى.

 ايتا كەتەيىك، وتكەن جىلدىڭ ءساۋىر ايىندا پۋتين ءوزىنىڭ جانە مەدۆەديەۆتىڭ جالاقىسىن 2,65 ەسەگە كوبەيتىپ العان بولاتىن.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى