ەسىرتكى ساتقانى ءۇشىن سوتتالعان ازامات قايتادان 10 جىلعا باس بوستاندىعىنان ايىرىلدى

سوت ۇكىمىمەن ك. مۇلكى تاركىلەنىپ 10 جىلعا باس بوستاندىعىنان ايىرىلدى. ول جازاسىن قاتاڭ رەجىمدەگى تۇزەۋ كولونياسىندا وتەۋ بەلگىلەندى. بۇل تۋرالى وبلىستىق سوتتىڭ باسپا ءسوز قىزمەتى حابارلادى.

ك. زاڭسىز جولمەن گەروين ساتىپ الىپ، ونى بولەك- بولەك وراپ، تانىستارىنا وتكىزبەككە ارەكەتتەنگەن.

2014 - جىلدىڭ 3 - قاراشا كۇنى ساعات 17 شاماسىندا ك. ازامات ا. -عا 10000 تەڭگەگە جالپى سالماعى 0,77 گرام گەرويننىڭ 2 وراماسىن ساتقان.

ك. -نى ۇستاپ، ونىڭ ۇستىنە ءتىنتۋ جاساعان كەزىندە قالتالارىنان 5 دانا بولەك ورالعان، ساتۋعا دايىندالعان، جالپى سالماعى 1,23 گرام گەروين تابىلعان.

ودان باسقا ك. -نى ناشاقورلىقتان ەمدەۋ ءۇشىن مەديتسينالىق سيپاتتاعى ماجبۇرلەۋ شاراسى قولدانىلدى.

ك. بۇدان بۇرىن دا زاڭسىز ەسىرتكى ساتقان ءۇشىن سوتتى بولعانىن، ءبىراق مەرزىمىنەن بۇرىن شارتتى تۇردە بوساتىلعانىن ايتا كەتۋ كەرەك.

ۇكىم زاڭدى كۇشىنە ەنگەن جوق.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى