جولاۋشىلارى بار اۆتوبۋس الماتىدا 10 كولىكتى سوقتى - كەسكىن

جولاۋشىلارى بار 31№ اۆتوبۋس «قازاقفيلم» شاعىن اۋدانىندا ەسەناليەۆ كوشەسىنىڭ بويىمەن تومەنگە قاراي ءتۇسىپ كەلە جاتىپ، ون شاقتى جەڭىل كولىكتى قاقتى. بۇدان كەيىن ول بۇرىلىستا بەتون ارالاستىراتىن ماشينامەن سوعىسقان. ءبىراق، باسقا مالىمەتتەرگە قاراعاندا، اۆتوبۋس قوقىس تاسيتىن كولىكپەن سوقتىعىسقان.

«تەرريتوريا پرويسشەستۆي» باعدارلاماسىنىڭ ءتىلشىسى اۆتوبۋستىڭ باستاپقىدا سول باعىتتا كەلە جاتقان Mercedes-zBen كولىگىمەن ءتۇيىسىپ قالعانىن حابارلادى. بۇدان كەيىن اۆتوبۋس پەن Mercedes-Benz 11 كولىكتى سوعىپ وتكەن. اۆتوبۋس بۇرىلىسقا كەلگەندە قارسى باعىتقا شىعىپ كەتىپ، قوقىس تاسيتىن كولىكپەن بەتپە-بەت سوعىسقان.

باعدارلامانىڭ مالىمەتىنشە، جالپى جەتى ادام زارداپ شەكتى، ونىڭ ىشىندە اۆتوبۋس جۇرگىزۋشىسى بار. جاپا شەككەندەردىڭ ىشىندە ءۇش بالا جانە جۇكتى ايەل بولعان. الدىن-الا مالىمەت بويىنشا، اۆتوبۋستىڭ تەجەگىشى ىستەن شىققان.

اۆتوبۋس جۇرگىزۋشىسى ءتىرى، ءبىراق ونى تەمىر جانشىپ قالدى. سالدارىنان ونىڭ ەكى اياعى دا سىندى. جۇرگىزۋشىنى بوساتۋ ءۇشىن قۇتقارۋشىلاردىڭ كومەگى قاجەت بولدى. قازىرگى ۋاقىتتا وقيعا بولعان جەر قورشاۋعا الىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى