قاراعاندى وبلىسىندا 10 جاسار بالانىڭ كەۋدە قۋىسىنا قارىنداش قادالىپ قالعان
اۋداندىق اۋرۋحانانىڭ حيرۋرگى بالانىڭ كەۋدە قۋىسىنا قارىنداش كىرىپ كەتكەنىن ايتقان.
بالا مەكتەپتەن ۇيىنە كەلە جاتقاندا شالقاسىنان قۇلاپ، جاۋىرىن تۇسىنان وتكىر زاتتىڭ سۇعىلعانىن سەزگەنىن جەتكىزگەن.
ورنىنان تۇرا الماي جاتقان بالانى جولدا كەتىپ بارا جاتقان ەر ادام كوتەرىپ الىپ، اۋرۋحاناعا اپارعان. اۋداندىق اۋرۋحانادا ونى بىردەن وبلىستىق اۋرۋحاناعا اپارۋ تۋرالى شەشىم قابىلدانعان.
«رەنتگەنوگرامما جاسادىق. قارىنداشتىڭ جۇرەككە جاقىن جەرگە سۇعىلعانىن بايقادىق. ءبىز وتا جاساپ، بالانىڭ كەۋدە قۋىسىنان جاسىل ءتۇستى قارىنداشتىڭ سىنىعىن الىپ شىقتىق. قارىنداشتى ىزدەپ تاۋىپ العانشا ءبىز ونىڭ ىشكى مۇشەلەرىنىڭ جاسىل تۇسكە بويالىپ قالعانىن كوردىك»، - دەدى وبلىستىق بالالار اۋرۋحاناسىنىڭ جالپى حيرۋرگيالىق پاتولوگيا ءبولىمىنىڭ مەڭگەرۋشىسى امان ناجىمەتدينوۆ.
حيرۋرگتار قارىنداشتى الىپ شىعۋ ءۇشىن بالانىڭ كەۋدە قۋىسىن اشقان. قازىر بالانىڭ جاعدايى جاقسى. تەك دارىگەرلەردى بالانىڭ اتا-اناسىنىڭ ونى اۋرۋحاناعا ءالى ءبىر دە ءبىر رەت ىزدەپ كەلمەۋى الاڭداتىپ وتىر.
