قازاقستاننىڭ ەڭ ادەمى 10 تەلەجۇرگىزۋشىسى - فوتو

1. مايا بەكبايەۆا

«درۋگيمي سلوۆامي» قورىتىندى ساراپتامالىق باعدارلاماسى مەن «ۆىحود ەست!» توك- شوۋىنىڭ جۇرگىزۋشىسى.

2005-جىلى مايا جۋرناليست اتانادى، كەيىن سول كەزدەگى الماتىلىق تانىمال «تاڭ» تەلەارناسىنىڭ شەف-رەداكتورى بولادى. 2009-جىلى استاناعا «قازاقستان» كورپوراتسياسىنىڭ شاقىرۋىمەن كوشىپ بارىپ، وندا 2011-جىلدىڭ مامىر ايىنا دەيىن جۇمىس ىستەيدى. مايانىڭ شىعارماشىلىق قورجىنىندا «بيزنەس-وبزور»، «ستاتۋس-ستوليتسا»، «ليچنايا تەرريتوريا» سياقتى باعدارلامالار بار. ول وسى اۆتورلىق جوبالارىن جاڭالىقتار قىزمەتىمەن قاتار الىپ جۇرەدى. 2012-جىلى ول «جەتىنشى ارنانىڭ» جاڭا ۇجىمىنىڭ قۇرامىنا كىرەدى.

2. تاۋەكەل ءمۇسىلىم

«حابار» تەلەارناسىنداعى «جاڭا كۇن» باعدارلاماسىنىڭ جۇرگىزۋشىسى.

تاۋەكەل الماتىدا تۋىلىپ، وسىندا 140№ مەكتەپ-گيمنازيانى بىتىرگەن.

تاۋەكەل ءمۇسىلىمنىڭ ماماندىعى ماشينا جاساۋ سالاسىنىڭ ينجەنەر-مەحانيگى. ءبىراق ول شوۋ-بيزنەسكە ارالاسىپ كەتەدى. جارناما روليكتەرى مەن تەلەحيكايالارعا تۇسە باستايدى. قازاقستاندىق جاڭا «ماحابباتىم جۇرەگىمدە» اتتى فيلمنىڭ باستى ءرولىن سومدايدى.

3. ءمادينا بالعابايەۆا

ك ت ك ارناسىنىڭ جاڭالىقتار جۇرگىزۋشىسى، جەكە شارالاردىڭ، توي، تۋعان كۇن، كورپوراتيۆتىك دۋمانداردىڭ جۇرگىزۋشىسى.

ءمادينا بالعابايەۆا 10 جىلدان بەرى جەرگىلىكتى تەلەارنالاردا ەلدىڭ باستى جاڭالىقتارىنىڭ جارشىسى.

بۇگىن ول ك ت ك ارناسىنىڭ دارىندى ديرەكتورى، شارالاردىڭ سۇلۋ جۇرگىزۋشىسى، ءبىر بالانىڭ اناسى جانە، ءسوزسىز، قازىرگى قىزدارعا ۇلگى بولاتىن تۇلعا.

4. ابدەل مۇحتاروۆ

«جەتىنشى ارنانىڭ» جۇرگىزۋشىسى.

1986-جىلى 28- قازاندا الماتىدا تۋعان. حالىقارالىق ۇزدىكسىز ءبىلىم بەرۋ كوللەدجىن قىزىل ديپلوممەن بىتىرگەن. ونى اياقتاعان سوڭ ول قازاقستان مەنەدجمەنت ەكونوميكا جانە بولجاۋ ينستيتۋتىنا ءتۇسىپ، ىسكەرلىك اكىمشىلىك سالاسى بويىنشا ءبىلىم الادى. 2009-جىلى لوندوندا «كينو جانە تەليەۆيزيا پروديۋسەرى» ماماندىعى بويىنشا ماگيستراتۋرانى اياقتايدى.

2010-جىلى ابدەل «جەتىنشى ارنانىڭ» جاڭا جوباسىنىڭ جۇرگىزۋشىلىگىنە تاڭداۋ كاستينگتەن ءساتتى ءوتىپ، تەليەۆيزياداعى العاشقى قادامىن جاسايدى.

5. سالتانات بەكجىگىتوۆا

ن ت ك ارناسىندا «ريەۆيۋ» باعدارلاماسىنىڭ جۇرگىزۋشىسى.

سالتانات 1992--جىلى 12- جەلتوقساندا تۋعان. تەلەجۇرگىزۋشى، «الماتى ارۋى-2010» جانە تانىمال مودەلدىڭ ءومىرى قاراما-قايشىلىقتارعا تولى. بالا كەزىندە سالتانات ءوزىنىڭ بويىنان ۇيالاتىن بولىپتى، ال قازىر بويى - ونىڭ پوديۋمداعى باستى جەتىستىگى. مەكتەپ كەزىندە ول ءوزىن ادەمى دەپ سانامايدى، ال كامەلەت جاسىنا تولۋعا ءبىر جىل قالعاندا ول الماتى ارۋى بولادى. مەديتسينالىق ينستيتۋتتا وقۋدى نەمەسە ءمۇعالىم بولۋدى ارماندايدى، ءبىراق ەكونوميكالىق فاكۋلتەتكە تاپسىرادى.

قازىر سالتانات - جۇلدىزدار تۋرالى باعدارلامانىڭ تەلەجۇرگىزۋشىسى.

6. اسەل اقباروۆا

«ءبىزدىڭ ءۇي» باعارلاماسىنىڭ جۇرگىزۋشىسى، «حابار» ارناسىنىڭ جاڭالىقتار جۇرگىزۋشىسى.

اسەل اقباروۆا الماتىدا دۇنيەگە كەلگەن. قازاق مەملەكەتتىك زاڭ ۋنيۆەرسيتەتىن بىتىرگەن. 2010-جىلدان بەرى «حابار» تەلەارناسىنداعى جاڭالىقتار قىزمەتىندە جۇرگىزۋشى.

 ول «استانا» تەلەارناسىنان باستاعان. وندا ول تاڭعى باعدارلامانى جۇرگىزگەن، سونىمەن بىرگە قازاق جانە ورىس تىلدەرىندە جاڭالىق جۇرگىزگەن.

7. الماگۇل ىقىلاسوۆا

KZ.24 ارناسىنىڭ جاڭالىقتار جۇرگىزۋشىسى.

الماگۇل كوپبالالى وتباسىندا دۇنيەگە كەلگەن. العاش جۇمىس جولىن ول ورال قالاسىنداعى «ت د ك 42» تەلەارناسىنىڭ جاڭالىقتار ديكتورى رەتىندە باستاعان. ديكتور مەن قالالىق، وبلىستىق جانە رەسپۋبليكالىق كونسەرتتىك باعدارلامالاردىڭ جۇرگىزۋشى قىزمەتىن قاتار الىپ جۇرگەن. بۇدان كەيىن تەليەۆيزيالىق قىزمەتتەن ءموبيلدى بايلانىسپەن اينالىساتىن شەتەل كومپانياسىنا جۇمىسقا تۇرادى. قازىر KZ.24 ارناسىنىڭ جاڭالىقتارىن جۇرگىزەدى.

8. ارتۋر تولەپوۆ

«حابار» ارناسىنىڭ تەلەجۇرگىزۋشىسى جانە «پودرۋجكي»، «كۇن ساقشىلارى» تەلەحيكايالارىنىڭ جۇلدىزى.

1991-جىلى 11- قاڭتاردا دۇنيەگە كەلگەن. "Вar Вars"  كومانداسىنىڭ ناسيحاتىن جاساۋمەن اينالىسىپ ءجۇر. "Вar Вars"- ەلىمىزدەگى Street Workout سپورتىن ناسيحاتتايتىن كوماندا. اكتەرلىكتەن باسقا، ول قازاق جانە ورىس تىلدەرىندە ءىس-شارالار وتكىزۋمەن اينالىسادى، ونىڭ ىشىندە «قازاقفيلم» ا ق كينوپرەمەرالارىنا قاتىسادى، رەسپۋبليكانىڭ ۇلكەن الاڭدارىنداعى ءتۇرلى كونسەرتتەردى جۇرگىزەدى.

سونىمەن قاتار، ІХ حالىقارالىق «ەۆرازيا» كينوفەستيۆالىن وتكىزدى. قازاقستانداعى street workout فەدەراتسياسىنىڭ وكىلى.

9. دينارا ءساتجان

«استانا» تەلەارناسىنداعى ستاتۋس QUO  باعدارلاماسىنىڭ جۇرگىزۋشىسى.

دينارا ءساتجان 1982-جىلى 21- قىركۇيەكتە قاراعاندا وبلىسى جاڭا-ارقا اۋىلىندا تۋعان. 2004-جىلى ءال-فارابي اتىنداعى قازۇۋ-دىڭ حالىقارالىق جۋرناليستيكا فاكۋلتەتىن بىتىرگەن. 16 جاسىندا «قازاقستان» ارناسىنىڭ تاڭعى باعدارلاماسىندا تۇڭعىش رەت جۇرگىزۋشى بولادى، ودان كەيىن «شاحار» ت ر ك-ندا «Music Station» باعدارلاماسىن جۇرگىزەدى. جاڭالىقتار قىزمەتىنە 2003-جىلى كەلەدى. 2006-2009-جىلدار ارالىعىندا «استانا» تەلەارناسىنىڭ جاڭالىقتارىن جۇرگىزەدى. ال 2008-جىلدان بەرى «حابار» تەلەارناسىندا جۇمىس ىستەيدى. 2012-جىلعا دەيىن جاڭالىقتار قىزمەتىنىڭ جۇرگىزۋشىسى بولعان.

2009-جىلى «قازاقستان ءميسسيسى» كونكۋرسىن جەڭىپ الادى، كەيىن جەڭىمپاز قۇقىعىندا «الەم ءميسسيسى-2009» بايقاۋىنا قاتىسادى.

10. ەكاتەرينا كراسنوۆا

قازاقستاندىق بەلگىلى مودەل ءارى تەلەجۇرگىزۋشى.

ەكاتەرينا بىشكەكتە تۋىلعان، 2007-جىلى ول ءوز ومىرىندە ماڭىزدى شەشىم جاسايدى - تۋعان بىشكەكتى تاستاپ، قازاقستانعا كوشەدى. اقشاسى بولماعان، ازاماتتىعى دا، تانىسى دا جوق. ەكى ەل اراسىندا ءجۇرىپ، ول ۋنيۆەرسيتەتتە وقىپ تا، Xit TV ارناسىندا ۆيدجەي بولىپ جۇمىس ىستەپ تە ۇلگەرەدى، جەكە ينتەرنەت-جوباسىن جاساپ، ءسان كورسەتىلىمدەرىنە قاتىسادى.

بۇگىندە ەكاتەرينانىڭ بوس ۋاقىتى جوق: تەليەۆيزياداعى جانە پوديۋمداعى جۇمىسىنان باسقا، ول تەلەحيكايالارعا تۇسەدى، فيلم دىبىستايدى، تەلەشوۋلارعا قاتىسىپ، تيمۋر بەكمامبەتوۆتىڭ قازاقستانداعى شىعارماشىلىق توبىمەن بىرگە جۇمىس ىستەيدى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى