الماتىلىق پروفەسسور يسپانيا كىتاپحاناسىنان ءال-ءفارابيدىڭ 10 تراكتاتىن تاپتى - فوتو

بۇل تۋرالى ءابساتتار دەربىسالىنىڭ ءوزى الماتىدا وتكىزگەن باسپا ءسوز ءماسليحاتىندا ءمالىم ەتتى.

«مەن بۇل كىتاپحانادا 10-11 كۇندەي جۇمىس ىستەدىم. جۇمىس بارىسىندا قولجازبا قورىنان ءال-ءفارابيدىڭ 10 تراكتاتىن تاۋىپ الدىم. بۇل مەن ءۇشىن توسىن سىي بولدى. قازاق عالىمدارى ءال-ءفارابيدىڭ 60 تان استام تراكتاتىن ورىس جانە قازاق تىلىنە اۋدارعانى ءمالىم. الماتىدا 10 عا جۋىق تراكتاتى باسىلىپ شىقتى. مىنە، ەندى تاعى 10 تراكتات تابىلىپ وتىر»، - دەدى پروفەسسور.

زەرتتەۋ جۇمىستارى شەتەلدىك مۇراعاتتاردا عىلىمي ءىس ساپار اياسىندا جۇرگىزىلدى. تاعى ءبىر پروفەسسور، ءال-ءفارابي اتىنداعى قازاق ۇلتتىق ۋنيۆەرسيتەتىنىڭ كافەدرا مەڭگەرۋشىسى قالقامان جۇماعۇلوۆ ۆاتيكاننان عۇنداردىڭ اتاقتى كوسەمى، كەزىندە ءريمدى جاۋلاپ العان ەدىل پاتشانىڭ بۇرىن جۇرتشىلىققا بەلگىسىز بولىپ كەلگەن كەسكىنىن تاپتى. ول بۇعان دەيىن ەشبىر باسىلىمدا جارىق كورمەگەن ەكەن.

ايتا كەتەلىك، ەسكوريال موناستىرى كەزىندە يسپانيا كورولى II فيليپپتىڭ موناستىرى، سارايى ءارى رەزيدەنتسياسى بولعان عيماراتتار كەشەنى. مادريد قالاسىنىڭ 200 شاقىرىم جەردە ورنالاسقان.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى