ازيا ويىندارىنىڭ التىنىنا 10 مىڭ دوللار بەرىلەدى

بۇگىن، 12- قىركۇيەك كۇنى تۇستە الماتىداعى بالۋان شولاق اتىنداعى سپورت سارايىندا وتكەن، ХVІІ جازعى ازيا ويىندارىندا ەل نامىسىن قورعايتىن سپورتشىلارىمىزدى الىس ساپارعا شىعارىپ سالۋ راسىمىندە ق ر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆ جۇلدەگەرلەرگە تابىس ەتىلەتىن سىياقى قورىن جاريالادى.

سونىمەن، ХVІІ جازعى ازيا ويىندارىندا جەڭىمپاز جانە جۇلدەگەر اتانعان سپورتشىلارعا مىنا سومادا مەملەكەتتىك سىياقى بەرىلەدى:

1- ورىن - 10 مىڭ اقش دوللارى؛

2- ورىن -  5 مىڭ دوللار؛

3- ورىن - 3 مىڭ دوللار.

ولاردىڭ جەكە باپكەرلەرىنە بەرىلەتىن مەملەكەتتىك سىياقى سومالارى:

1- ورىن - 5 مىڭ دوللار؛

2- ورىن -  3 مىڭ دوللار؛

3- ورىن -  2 مىڭ دوللار.

ەلسيار بايمۇحامەد ۇلى بۇل تەك مەملەكەتتىك سىياقى ەكەندىگىن قاداپ ايتتى. بۇعان قوسا كونفەدەراتسيانىڭ، ءار فەدەراتسيانىڭ، ايماق باسشىلارىنىڭ دا ءوز الدارىنا بولەك سىياقى بەرەتىندىكتەرىن ەسكەرتە كەتكىمىز كەلەدى.

ەستەرىڭىزگە سالا كەتەيىك، ХVІІ جازعى ازيا ويىندارى 19- قىركۇيەكتەن 4- قازانعا دەيىن وڭتۇستىك كورەيانىڭ ينچحون قالاسىندا وتەدى. وعان ءبىزدىڭ ەلدەن 420 سپورتشى (ەرلەر - 207, ايەلدەر - 213) قاتىسىپ، 39 سپورت تۇرىنەن سىنعا تۇسەدى.

جالپى، ХVІІ جازعى ازيا ويىندارىنا سارى قۇرلىقتىڭ 45 مەملەكەتىنەن 13 مىڭ سپورتشى مەن جاتتىقتىرۋشى قاتىسادى. جەتى مىڭ باق وكىلى ازيادا دوداسىن شارتاراپقا تاراتاتىن بولادى.

اۆتور: نۇرعازى ساسايەۆ

«الاش ايناسى»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى