قازاقستاندىق وليمپيادا چەمپيونى 10 جاسار بالانىڭ ارمانىن ورىندادى - فوتو

«Astana Pro Team» سپورتتىق فورماسىن ا. ۆينوكۋروۆتىڭ اتىنان قازاقستاننىڭ بەلگياداعى ەلشىلىگىنىڭ كونسۋلى بولات تەمىربايەۆ تابىستادى. فۋتبولكاعا وليمپيادا چەمپيونى ءوز قولىمەن 10 جاسار سەرگەيگە «س نايلۋچشيمي پوجەلانيامي سەرگەيۋ وت ا. ۆينوكۋروۆا» دەگەن تىلەكتەرىن جازىپ بەرگەن.

بۇل باستاما كەزدەيسوق تۋىنداعان جوق. 2013-جىلدىڭ سوڭىندا «قازاقستان» ارناسىنداعى «شەتەلدەگى قازاق بالالارى» باعدارلاماسىنىڭ ءبىر سانىندا ءدال وسى سەرگەي كەيىپكەر بولعان ەدى. سول كەزدە بالا ءوزىنىڭ ۆەلوسپورتپەن شۇعىلداناتىنىن جانە بولاشاقتا ا. ۆينوكۋروۆ سياقتى اتاقتى ۆەلوشاباندوز بولعىسى كەلەتىنىن ايتقان بولاتىن. سونىمەن قاتار، باعدارلاما جۇرگىزۋشىسى دە، كورەرمەندەر دە بالانىڭ ا. ۆينوكۋروۆقا قاتتى ۇقسايتىنىن بايقاعان.

وسى سيۋجەتتى كورگەن سوڭ ا. ۆينوكۋروۆتا كىشكەنتاي سەرگەيگە ءوز قولتاڭباسىمەن فورما سىيلاۋ يدەياسى تۋىنداعان ەكەن.

سەرگەي رەمەيسەن ءوز كەزەگىندە ا. ۆينوكۋروۆتىڭ مۇنداي سىيلىعىنا قاتتى قۋاندى. بەلگياداعى ق ر ەلشىلىگىندە فورمانى بىردەن كيىپ كورگەن بالا ا. ۆينوكۋروۆقا العىسىن ايتىپ، بولاشاقتا اتاقتى سپورتشى بولۋعا ۋادە بەردى. «راحمەت، الەكساندر ۆينوكۋروۆ»، - دەدى ول قۋانا كۇلىپ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى