ورازا ۇستاۋشىعا 10 كەڭەس
2. اۋىز اشاتىن كەزدە قۋىرىلعان تاعامنان گورى اعزانى كوبىرەك قۋاتتاندىراتىن، قۇرامىندا كومىر-سۋتەك كوپ جەمىس-جيدەك، ءداندى-داقىلداردى جەۋ قاجەت. سونداي-اق ارپا نە ۇرمەبۇرشاق (فاسول) سەكىلدى داقىلداردان جاسالعان سورپا ىشكەن پايدالى.
3. كۇندىز شاما كەلگەنشە كولەڭكەنى پانالاعان دۇرىس. قولىڭىزدان كەلسە، اشىق دالاداعى جۇمىستاردى بولمە (وفيس) ىشىندە اتقارۋعا اۋىستىرعان ابزال. ورازا كەزىندە اعزا سۋسىزداناتىن بولعاندىقتان، شولدەن قاتالاماۋدى ويلاستىرۋ قاجەت.
4. اۋىز اشقان سوڭ مۇمكىندىگىنشە كوبىرەك سۇيىق ءىشۋ قاجەت. سۋدى مولىنان پايدالانعان دۇرىس. كۇنى بويى سۋ مولشەرى ازايعان اعزانىڭ قاجەت كولەمدە قايتادان ىلعال مولشەرىن قالپىنا كەلتىرۋ قاجەت. سول كەزدە ەرتەڭىنە اۋىز بەكىتۋ وڭاي بولادى.
5. رامازاننىڭ ءار كۇنىن جوسپارلا. ەرتەڭنىڭ جوسپارىن الدىڭعى كۇننىڭ كەشىنەن باستا. كەلەسى كۇنى ءبىتىرۋىڭ ءتيىس 3 شارۋانى قويىن داپتەرىڭە، ۇيالى تەلەفونىڭا نە باسقا دا ءوزىڭ ۇمىتپايتىن جەرگە جازىپ قوي دا سونى بىتىرۋگە تىرىس.
6. ءتۇس قايتا، نە بەسىنگە دەيىن، نە بەسىننەن كەيىن، از دا ەمەس، كوپ تە ەمەس، شامامەن 20-25 مينۋت كوز شىرىمىن ال.
7. مۇسىلمان باۋىرلارىڭمەن بايلانىس جاسا. بىرەۋدەن ەكەۋ، ەكەۋدەن ۇشەۋ جاقسى. يسلام-جاماعات ءدىنى. جالعىزدىڭ دوسى-شايتان.
8. ورازا كۇندەرىڭدى (جانە ءومىرىڭدى) باسقا شارۋالارىڭنىڭ ىڭعايىنا ناماز ۋاقىتتارىن سايكەستەندىرىپ جوسپارلا.
9. كۇنىنە ءبىر ساعات ۋاقىتىڭدى قۇران وقۋعا بول!
10. وزگەلەرگە ءناسيحات ايتۋدى ۇمىتىپ كەتپە. ەگەر سەنەن بىرەۋ نەلىكتەن تاماق ىشپەي جۇرگەنىڭدى سۇراسا، يسلام جانە رامازان ايى تۋرالى ۇعىنىقتى دا ادەمى تۇسىنىك بەرە ءبىل.
الماتى ورتالىق مەشىتىنىڭ سايتىنان
