قازاقستاندا نەبارى 108300 كيىك قالعان - ق ر اۋىل شارۋاشىلىعى مينيسترلىگى

اۋە ەسەپتىڭ قورىتىندىسىنا سۇيەنسەك، قازاقستاندا 108300 كيىك تىركەلگەن ەكەن.

«بىلتىر 2015 -جىلى بەتپاقدالا تارالىمىنىڭ جاپپاي قىرىلۋىنان كەيىن 2016 -جىلعى كيىكتەردىڭ ساناعى بويىنشا اقپارات بەرگىمىز كەلەدى. بيىل كيىكتەردىڭ ساناعى ءساۋىر- مامىر ايلارىندا ءوتتى. ءۇش تارالىمدا - بەتپاقدالا، ورال جانە ءۇستىرت تارالىمىندا اۋە ساناق جۇرگىزدىك. بەتپاقدالا تارالىمىنداعى كيىك سانى - 36200 كيىكتى قۇرادى، ورال تارىلىمىندا - 70200 كيىك، ءۇستىرت تارالىمىندا - 1900 باس كيىك تىركەلدى»، - دەپ حابارلادى بۇگىن مينيسترلىكتە وتكەن ارنايى بريفينگ بارىسىندا ا ش م جانۋارلار دۇنيەسى جانە اڭشىلىق شارۋاشىلىعى باسقارماسىنىڭ باسشىسى باقىتبەك دۇيسەكەيەۆ.

بريفينگكە قاتىسقان اۋىل شارۋاشىلىعى مينيسترلىگىنىڭ وكىلدەرى بىلتىر قازاقستانداعى كيىكتەردىڭ نەدەن قىرىلعانى ءالى ناقتى انىقتالماعانىن ايتىپ، بۇرىنعى بولجام - جۇقپالى اۋرۋ بولۋى مۇمكىن دەگەندى العا تارتتى.

«ەڭ كوپ كيىك مەكەن ەتەتىن ورال تارالىمى، وسىنى ەسكەرە وتىرىپ، اۋىل شارۋاشىلىعى مينيسترلىگى ورمان جانە اڭشىلىق شارۋاشىلىعى كوميتەتى ورال تارالىمىنىڭ كۇزەتىلۋىنە، كيىكتىڭ تارالۋىنا اسا نازار سالىپ وتىر. بيىل مامىر ايىندا ورال تارالىمىن كۇزەتۋ، قورعاۋ جۇمىستارى ءۇشىن ناقتى ورال قالاسىندا ارناۋلى « وحوتزووپروم» مەكەمەسىنىڭ فيليالىن اشتىق. ول فيليالعا قىزمەتكەرلەر سانى بويىنشا دا، تەحنيكا جاعىنان دا كومەك كورسەتىپ وتىرمىز. «وحوتزووپروم» مەكەمەسىنىڭ جانىنان ءتورت ارنايى توپ قۇرىلدى. ءاربىر توپقا جول تالعامايتىن ەكى كولىك، ءاربىر كولىككە ەكى ينسپەكتوردان بولدىك. ەكى توپ استانادا، ەكى توپ  قىزىلوردادا جۇمىس ىستەيدى»، - دەپ اتاپ ءوتتى ب. دۇيسەكەيەۆ.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى