بيىل استانادا 108,6 شاقىرىم جول سالىنىپ، جوندەۋدەن وتەدى
سونىمەن قاتار 63,6 شاقىرىم جول سالىنادى جانە قايتا قۇرىلادى، تۇرعىن الابتارىندا 24 شاقىرىم جول قامتىلادى، 21 شاقىرىم جول جوندەۋدەن وتەدى. بۇل تۋرالى استانا قالاسى اكىمدىگىنىڭ رەسمي سايتى حابارلايدى.
ۇستىمىزدەگى جىلى كىشى اينالما جول قۇرىلىسى جۇمىستارى جالعاسىن تابادى، سونىڭ اياسىندا بەيسەكوۆا كوشەسىنىڭ سىعاناق كوشەسىنەن قورعالجىن تاسجولىنا دەيىنگى بولىگىنىڭ قۇرىلىسى اياقتالىپ، بەيسەكوۆا كوشەسىنىڭ قورعالجىن تاسجولىنان تىلەنديەۆ داڭعىلىنا دەيىنگى بولىگىندە قۇرىلىس جۇمىستارى جالعاسادى.
قالادا كولىك كەپتەلىسىن ازايتۋ، الەۋمەتتىك ماڭىزى بار نىساندارعا ينجەنەرلىك جەلىلەر مەن جول سالۋ بويىنشا قولعا الىنعان جوبالاردى جۇزەگە اسىرۋ جالعاسادى. تۇرعىن الابتارىن ينجەنەرلىك جانە كولىك ينفراقۇرىلىمىمەن قامتاماسىز ەتۋ كوزدەلگەن. بيىل 11 تۇرعىن الابىندا جالپى ۇزىندىعى 24 شاقىرىمدى قۇرايتىن 30 كوشە سالىنباق.
24.kz
