ەلدە زاڭسىز جۇرگەن 107 شەتەلدىك ۇستالدى
كولىكتەگى پوليتسيا دەپارتامەنتى باستىعىنىڭ ءبىرىنشى ورىنباسارى قاليجان قوبلانديننىڭ ايتۋىنشا، زاڭ بۇزعانداردىڭ 102 ءسى - ت م د- نىڭ، بەسەۋى - الىس ەلدەردىڭ ازاماتتارى.
«شارا كەزىندە قىزىلوردا ستانساسىنداعى جەلىلىك پوليتسيا ءبولىمىنىڭ قىزمەتكەرلەرى «اقتوبە-الماتى» جولاۋشىلار پويىزىنان وزبەكستان رەسپۋبليكاسىنىڭ 31 جاستاعى ازاماتىن ءۇستادى. ونىڭ ۇستىنەن اكىمشىلىك قۇقىق بۇزۋ تۋرالى كودەكستىڭ 517-بابىنىڭ 4-بولىگى بويىنشا اكىمشىلىك حاتتاما تولتىردى. قىزىلوردا قالاسىنىڭ مامانداندىرىلعان اكىمشىلىك سوتىنىڭ شەشىمىمەن قۇقىق بۇزۋشىعا 25 اەك كولەمىندە ايىپپۇل سالىندى. سونداي- اق، سوت قاۋلىسىمەن قازاقستان رەسپۋبليكاسىنان تىس جەرلەرگە 27 شەتەلدىك شىعارىلدى»، - دەيدى كولىكتەگى پوليتسيا قىزمەتىنىڭ وكىلى.
بۇدان بولەك قۇزىرلى ورگانعا شەتەلدىكتەردىڭ ەل اۋماعىنا وتكەنى تۋرالى 3 كۇن ىشىندە حابارلاماعانى ءۇشىن 22 قازاقستاندىق اكىمشىلىك جاۋاپكەرشىلىككە تارتىلعان. قاليجان قوبلاندين 5-12- شىلدە ارالىعىندا وتكەن شارا كەزىندە كوشى-قون زاڭناماسىن بۇزعانى ءۇشىن ۇستالعان ت م د ەلدەرىنىڭ 3 ازاماتى ءوز ەلىنىڭ قابىلداۋ-تاراتۋ ورنىنا قامالعانىن ايتادى.
