تۇركيانىڭ 107 جاستاعى تۇرعىنى كوروناۆيرۋستان جازىلدى

كارادەنيز مىقتى يممۋندىق جۇيەسىنىڭ ارقاسىندا كوروناۆيرۋستان ءبىر اپتانىڭ ىشىندە ەمدەلىپ شىقتى.

قارت ايەلدى ىستانبۇل عىلىمي-زەرتتەۋ كلينيكاسىنا 7- ساۋىردە ورنالاستىرعان. ول قاتتى جوتەلىپ، دەنە قىزۋى كوتەرىلگەن.

107 جاستاعى ايەلگە كوروناۆيرۋسقا جاسالعان تەست وڭ ناتيجە كورسەتتى. ول ءبىر اپتادان كەيىن اۋرۋحانادان ەمدەلىپ شىقتى. قازىر ول ۇيىندە، 14 كۇندىك كارانتيندە جاتىر.

اۋرۋحانا قىزمەتكەرلەرى ونىڭ قاۋىپتى ىندەتتى تەز جەڭىپ شىققانىنا تاڭعالدى. دارىگەرلەردىڭ پىكىرىنشە، ايەلدىڭ يممۋندىق جۇيەسى مىقتى.

كارادەنيز مالاتە پروۆينتسياسىندا پوتيۋرگە اۋدانىندا تۋعان. ول 8 جاسىندا وتباسىمەن بىرگە ىستانبۇلعا كوشىپ كەلگەن. ونىڭ جۇبايى 1982-جىلى قايتىس بولعان. كارادەنيزدىڭ ءتورت بالاسى، 11 نەمەرەسى جانە 15 شوبەرەسى بار.

كەيۋانا ءوز جاسىنا قاراماستان كۇن سايىن تاڭەرتەڭ ەرتە تۇرىپ، ناماز وقيدى. ول تاماقتانۋعا اسا ءمان بەرىپ، تاڭعى اسقا سارى ماي، قايماق، بال، ءسۇت پايدالانادى.

اجەيدىڭ حولەستەرين جانە قانت دەڭگەيى قالىپتى نورمادا، ول تاتتىلەر مەن جەمىستەردى جاقسى كورەدى. ايەلگە ەشقاشان وتا جاسالماعان، ونىڭ ەستە ساقتاۋ قابىلەتى جاقسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى