اقمولا وبلىسىنىڭ تۇرعىنى 107 گە تولدى
ونىڭ بۇگىندە بەس نەمەرەسى، توعىز شوبەرەسى جانە بەس نەمەنەسى بار، دەپ حابارلايدى «قازاقپارات» ح ا ا- نىڭ ءتىلشىسى وڭىرلىك كوممۋنيكاتسيالار قىزمەتىنە سىلتەمە جاساپ.
ارشالى اۋدانىنىڭ اكىمى ازامات تايجانوۆ اۋدان ورتالىعىندا تۇراتىن 107 جاستاعى قاريا، ەڭبەك ارداگەرى پالاگەيا انتيپوۆانى ۇيىنە بارىپ، تۋعان كۇنىمەن قۇتتىقتادى.
عاسىردى ارتقا تاستاعان كەيۋانا رەسەيدىڭ التاي ولكەسىندەگى سىروپياتوۆا ەلدىمەكەنىندە دۇنيەگە كەلگەن ەكەن. بالالىق شاعىنان قيىندىق كورگەن ءۇيدىڭ ۇلكەنى قازان توڭكەرىسى، ازامات سوعىسى جانە ۇلى وتان سوعىسى جىلدارىندا اتا- اناسىنا كومەكتەسىپ، وزىنەن كەيىنگى 11 ءىنى- قارىنداستارىنا قامقور بولعان. «جاستايىمنان ەرتە ەسەيىپ، ەڭبەككە ەرتە ارالاستىم. تۇرمىسقا ەرتە شىقتىم، ءتورت بالانى دۇنيەگە اكەلدىم»، - دەپ ەسكە الادى كەيۋانا.
جىلدار وتە كەلە ايەلدىڭ جاعدايى تۇزەلىپ، بالالارى ەر جەتىپ ەرتەڭگى كۇنگە دەگەن سەنىم پايدا بولادى. كەڭەس بيلىگى قالىپتاسقان ۇجىمداستىرۋدىڭ ۇرتوقپاعى ارتتا قالدى.
الايدا 1941 -جىلى ۇلى وتان سوعىسى باستالىپ كەتىپ، جۇبايى ەفيم انتيپوۆ قىزىل ارميا قاتارىنا شاقىرىلادى. باسىنان مۇڭ كەتپەگەن ايەل قايتادان تۇرمىستىڭ اۋىر قامىتىن ارقالاۋعا ءماجبۇر بولادى. ۇجىم تىرلىگىنە بەلسەنە كىرىسكەن قايراتتى ايەل تراكتورشىلاردىڭ كۋرسىن وقىپ، كولحوزدىڭ تەمىر تۇلپارىن تىزگىندەيدى. ەكى بىردەي ۇلىن سوعىس جالماعان پالاگەيانىڭ كۇيەۋى مايداننان ەلىنە امان ەسەن ورالىپتى. الايدا سوعىستان كەيىنگى جىلدار دا وڭايعا سوقپاعان.
كەيىن 1949 -جىلى پەلاگەيا يۆانوۆنا وتباسىمەن بىرگە قازاقستانعا قونىس اۋدارادى. الدىمەن بالاباقشاعا كۇتۋشى بولىپ جۇمىسقا كىرگەن ايەل، كەيىن اۋىل كەڭەسىندە ەدەن جۋۋشى، ودان سوڭ جەرگىلىكتى فەلدشەرلىك پۋنكتتىڭ تازالىقشىسى بولىپ جۇمىس ىستەيدى. جۇبايى قايتىس بولعاننان كەيىن بالالارىمەن بىرگە بۇرىنعى ۆيشنەۆكا قازىرگى ارشالى كەنتىنە تۇراقتاعان. قازىر كەيۋانا بەس نەمەرە، توعىز شوبەرە جانە بەس نەمەنە ءسۇيىپ وتىرعان ارداقتى انا.
العىس حاتى، ءبىر شوق گۇلى مەن سىيلىقتارىن ارقالاپ كەلگەن اۋدان اكىمى ازامات تايجانوۆ قاريانىڭ ءومىرى مەن ەڭبەك جولى كەلەشەك جاستار ءۇشىن ۇلگى- ونەگە ەكەنىن اتاپ ءوتتى.
«ءبىز ءسىزدى ءارقاشان قۇرمەت تۇتامىز. ءسىزدىڭ اقىلىڭىز، توزىمدىلىگىڭىز بەن ماقساتكەرلىگىڭىز ۇرپاققا ۇلگى بولماق. ءسىزدىڭ باي ومىرلىك تاجىريبەڭىز وسكەلەڭ ۇرپاقتى پاتريوتتىق رۋحتا تاربيەلەۋگە ىقپال ەتەتىن بولادى»، دەدى ا. تايجانوۆ ءوز سوزىندە.
اۆتور: اسلان وسپانوۆ
