الماتى وبلىسىندا وزبەكستان ازاماتى 105 مالدى ۇرلاپ كەتكەن

«25- قازاندا جامبىل اۋدانى پوليتسياسىنىڭ كەزەكشى بولىمىنە الماتى قالاسىنىڭ 44 جاستاعى تۇرعىنى ارىزدانىپ، 22 قازان كۇنى تۇندە جايىلىمنان 105 باس قويى ۇرلانعانىن ايتتى.

اتالعان دەرەك ق ر قىلمىستىق كودەكسىنىڭ 189-بابى 3-بولىگى 1-تارماعى بويىنشا تىركەلدى. جەدەل- ىزدەستىرۋ ءىس- شارالارى بارىسىندا اتالعان شارۋا قوجالىقتا مالشى بولىپ جۇمىس ىستەگەن وزبەكستان ازاماتى كۇدىكتى رەتىندە انىقتالىپ، ۇستالدى. كۇدىكتى سەنىپ تاپسىرىلعان 80 باس مالدى جۇك كولىكتەرىن جالداپ، كورشىلەس جامبىل وبلىسىنىڭ شۋ قالاسىنداعى مال بازارىندا 78 باسىن 3276000 تەڭگەگە ساۋدالاعانى بەلگىلى بولدى. سونىمەن قاتار ۇرلانعان 25 باس قوي تابىلىپ، تاركىلەندى. ۇستالعان ازامات بۇلتارتپاس دالەلدەردەن كەيىن ءوز كىناسىن تولىق مويىندادى»، - دەدى جامبىل اۋداندىق پ ب باستىعى اسحات دانيار.

تابىلعان مال زاڭدى يەسىنە قايتارىلدى. كۇدىكتى ۋاقىتشا ۇستاۋ وقشاۋلاعىشىنا قاماققا الىندى. قازىرگى تاڭدا سوتقا دەيىنگى تەرگەپ- تەكسەرۋ امالدارى جۇرگىزىلىپ جاتىر.

اۆتور

سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى