قازاقستان بالا تۋۋ كورسەتكىشى بويىنشا 105-ورىنعا يەلەندى

قازاقستاندا 10 مىڭ ادامعا ورتا ەسەپپەن 164 نارەستەدەن كەلەدى. مۇنداي دەرەكتەردى Finprom.kz ساراپشىلارى كەلتىردى.

رەيتينگىدە ەڭ ءبىرىنشى ورىندا - نيگەر (10 مىڭ تۇرعىنعا شاققاندا 475 نارەستە دۇنيەگە كەلدى)، كەيىن انگولا (427) جانە ۋگاندا (423). سوڭعى ورىندا - موناكو (64 بالا تۋعان).

ە ا ە و ەلدەرى اراسىندا قازاقستانعا قاراعاندا قىرعىزستاننىڭ كورسەتكىشى جاقسىراق: مۇندا 10 مىڭ ادامعا شاققاندا 206 نارەستە دۇنيەگە كەلەدى. ارمەنيادا بۇل كورسەتكىش 119، رەسەيدە - 100، بەلارۋستە - 95.

2020 -جىلدىڭ قاڭتار- قاراشا ايلارىندا قازاقستاندا 386,9 مىڭ ءسابي دۇنيەگە كەلدى، بۇل ءبىر جىل بۇرىنعىعا قاراعاندا 5 پايىزعا كوپ.

وڭىرلىك بويىنشا تۇركىستان وبلىسىندا تۋۋ كورسەتكىشى ەڭ جوعارى (14,3 پايىز): 55,3 مىڭ، وعان قوسا جىلىنا 8,5 پايىز. ودان كەيىن الماتى وبلىسى (49,1 مىڭ نارەستە، پليۋس 6,4 پايىز) جانە الماتى (32,3 مىڭ، پليۋس 2,9 پايىز).

وتكەن جىلدىڭ 11 ايىندا ەلدە 1 جاسقا دەيىنگى 3 مىڭ نارەستە قايتىس بولدى - بۇل ءبىر جىل بۇرىنعىعا قاراعاندا 1,8 پايىزعا از. ونىڭ ىشىندە قايتىس بولعانداردىڭ 63,1 پايىزى قالا حالقىنا، 36,9 پايىزى اۋىل حالقى.

ەلدەگى نارەستە ءولىمىنىڭ كوەففيسيەنتى 1000 عا 7,79.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى