جاسى 102 گە كەلگەن قارتتىڭ ءومىر تۋرالى وسيەتى
* * *
ءبىرىنشى: ءوزىڭ ءۇشىن ولىممەن بەتپە-بەت كەلەر قيىن جاعدايدا ونى باعالاۋدى توقتاتا تۇرۋ كەرەك، وزىڭنەن ءوزىڭ «سوڭى قالاي بولار ەكەن، امان قالار ما ەكەنمىن» دەپ سۇراما. بولعان ءىس بيىك ەرىكتىڭ ءىسى ەكەنىن ءبىل.
ەكىنشى: ەشقانداي باقىتسىزدىق نەمەسە تاعدىردىڭ سىناعى ادامدى ەزىپ تاستاۋ ءۇشىن بەرىلمەيدى. «قۇداي ادامعا شاماسى كەلمەيتىن سالماق سالمايدى» دەگەن ماتەلدىڭ ماعىناسى وسىندا.
ءۇشىنشى: قيىنشىلىق تۇسكەن كەزدە ەش ۋاقىتتا قورقۋعا ءيا وكىنۋگە، نە اشۋلانۋعا بولمايدى.
ءتورتىنشى: قانداي جاعداي بولىپ قالسا دا، الدىمەن جانە جانىڭدى سالا كوكىرەگىندەگى قۇدايعا دەگەن ماحاببات سەزىمىن ساقتاپ قال. ىزگىلىك، قيىن كەزدە كومەك بەرۋدى كوڭىلىڭنىڭ قالاپ تۇرۋى قۇدايعا ۇمتىلۋدىڭ قوسالقى ءتۇرى.
* * *
ادامزات بالاسىنىڭ ءۇش دوسى بولادى.
ءبىرىنشىسى - تۇراقسىز دوس، ول - سوڭىنان سالپاقتاپ ءجۇرىپ جيناعان دۇنيە- مۇلكىڭ. اجالدان حابار كەلگەندە سەنى تاستاپ، باسقا بىرەۋدىڭ قولىنا كوشىپ كەتە بارادى.
ەكىنشىسى - اتا-انا، جۇبايىڭ، بالالارىڭ، دوس- جاراندارىڭ. ولار - ساعان مازار باسىنا دەيىن ەرىپ بارار، سودان كەيىن بەت- بەتىنە كەتەر، بىرتە- بىرتە ۇمىتار.
ءۇشىنشىسى - بۇل دۇنيەدە جاساعان جاقسىلىعىڭ، ىستەگەن قايىرىمدى ىستەرىڭ، قالدىرعان سوزدەرىڭ. ولار سەن تۋرالى سويلەپ تۇرادى.
ءبىزدىڭ ومىرگە كوزقاراسىمىز، ونى ناقتى قابىلداۋىمىز ءارتۇرلى. ءبىر زاتقا قاراساق، ءارتۇرلى نارسەنى كورەمىز. ويتكەنى ويىمىز ءارتۇرلى. سوندا دا، ءبارىمىزدى بىرىكتىرەتىن ءبىر نارسە بار: ءبىز شىندىقتى ىزدەيمىز. جاقسىمىز دا، جامانىمىز دا.
دەرەككوزى: «ماعىنالى ءومىر» توپتاماسىنان
