سايلاۋدا 101 جاستاعى مايدانگەر العاشقى بولىپ داۋىس بەردى

ياحيا تاسىروۆ سىرداريا اۋدانىنىڭ ورتالىعى - تەرەڭوزەك كەنتىندە تۇرادى. مايدانگەر كەنت ورتالىعىنداعى №155-رەفەرەندۋم ۋچاسكەسى اشىلماي تۇرىپ كەلدى. ەلىمىز ءۇشىن ماڭىزدى كۇندە ءوز داۋىسىن بەرگەن مايدانگەر 1922 -جىلى دۇنيەگە كەلگەن.

تاشكەنتتە تەكستيل وقۋىن وقىپ، 1940 -جىلى تەكستيل فابريكاسىنا شەبەردىڭ كومەكشىسى بولىپ جۇمىسقا ورنالاستى. 1942 -جىلدىڭ قازانىندا مايدانعا اتتانىپ، ستالينگرادتى، كۋرسك، پولشانىڭ قالالارىندا جاۋدى كەيىن شەگىندىردى.

ناعىز باتىلدىقتىڭ، اسكەري داڭق پەن پاتريوتيزمنىڭ ۇلگىسىن كورسەتتى. 1944 -جىلى گەرمانياعا كىرىپ، جاۋ باسىپ العان اۋماقتاردى ازات ەتۋدە جانقيارلىقپەن سوعىستى. ول 1945 -جىلى تامىزدىڭ اياعىندا ەلگە ورالعان.

بەيبىت ومىردە ءتۇرلى سالالاردا ەڭبەك ەتىپ، 1982 -جىلى زەينەتكە شىقتى.

«ءاربىر سايلاۋدا ءوز داۋىسىمدى بەرۋدى ازاماتتىق مىندەتىم دەپ بىلەمىن. سول ادەتىممەن بيىل دا ەرتە كەلدىم»، - دەدى ياحيا تاسىروۆ.

اۆتور: ءادىلجان ۇمبەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى